פרק מח א וְאֵ֖לֶּה שְׁמ֣וֹת הַשְּׁבָטִ֑ים מִקְצֵ֣ה צָפ֡וֹנָה אֶל־יַ֣ד דֶּֽרֶךְ־חֶתְלֹ֣ן ׀ לְֽבוֹא־חֲמָ֡ת חֲצַ֣ר עֵינָן֩ גְּב֨וּל דַּמֶּ֤שֶׂק צָפ֨וֹנָה֙ אֶל־יַ֣ד חֲמָ֔ת וְהָֽיוּ־ל֧וֹ פְאַת־קָדִ֛ים הַיָּ֖ם דָּ֥ן אֶחָֽד׃ ב וְעַ֣ל ׀ גְּב֣וּל דָּ֗ן מִפְּאַ֥ת קָדִ֛ים עַד־פְּאַת־יָ֖מָּה אָשֵׁ֥ר אֶחָֽד׃ ג וְעַ֣ל ׀ גְּב֣וּל אָשֵׁ֗ר מִפְּאַ֥ת קָדִ֛ימָה וְעַד־פְּאַת־יָ֖מָּה נַפְתָּלִ֥י אֶחָֽד׃ ד וְעַ֣ל ׀ גְּב֣וּל נַפְתָּלִ֗י מִפְּאַ֥ת קָדִ֛מָה עַד־פְּאַת־יָ֖מָּה מְנַשֶּׁ֥ה אֶחָֽד׃ ה וְעַ֣ל ׀ גְּב֣וּל מְנַשֶּׁ֗ה מִפְּאַ֥ת קָדִ֛מָה עַד־פְּאַת־יָ֖מָּה אֶפְרַ֥יִם אֶחָֽד׃ ו וְעַ֣ל ׀ גְּב֣וּל אֶפְרַ֗יִם מִפְּאַ֥ת קָדִ֛ים וְעַד־פְּאַת־יָ֖מָּה רְאוּבֵ֥ן אֶחָֽד׃ ז וְעַ֣ל ׀ גְּב֣וּל רְאוּבֵ֗ן מִפְּאַ֥ת קָדִ֛ים עַד־פְּאַת־יָ֖מָּה יְהוּדָ֥ה אֶחָֽד׃ ח וְעַל֙ גְּב֣וּל יְהוּדָ֔ה מִפְּאַ֥ת קָדִ֖ים עַד־פְּאַת־יָ֑מָּה תִּֽהְיֶ֣ה הַתְּרוּמָ֣ה אֲֽשֶׁר־תָּרִ֡ימוּ חֲמִשָּׁה֩ וְעֶשְׂרִ֨ים אֶ֜לֶף רֹ֗חַב וְאֹ֜רֶךְ כְּאַחַ֤ד הַֽחֲלָקִים֙ מִפְּאַ֤ת קָדִ֨ימָה֙ עַד־פְּאַת־יָ֔מָּה וְהָיָ֥ה הַמִּקְדָּ֖שׁ בְּתוֹכֽוֹ׃
֍ ֍ ֍
פרק מח (א) נבואה זו מתארת את דרך חלוקת הארץ בין השבטים, וכפי שהתבאר תתחלק הארץ לשלש עשרה רצועות לרוחב, כל רצועה נמשכת ממערב למזרח, והרצועות סדורות זו לצד זו מצפון לדרום. וְאֵלֶּה שְׁמוֹת הַשְּׁבָטִים הנוחלים את הארץ, מִקְצֵה צָפוֹנָה – בחלק הצפוני מערבי של ארץ ישראל, שיתווסף לעתיד לבוא [כפי שהתבאר לעיל פרק מ"ז פסוקים ט"ו-י"ז], אֶל יַד דֶּרֶךְ חֶתְלֹן, לְבוֹא חֲמָת, ובצד מזרח יהיה חלקו מחֲצַר עֵינָן עד גְּבוּל דַּמֶּשֶׂק צָפוֹנָה, אֶל יַד חֲמָת, וְהָיוּ לוֹ גבולות נחלתו פְאַת קָדִים – קצה המזרח מצד אחד, והַיָּם מצד מערב, דָּן אֶחָד – חלק אחד זה יהיה לשבט דן.
(ב) וְעַל גְּבוּל דָּן, הרצועה הסמוכה לחלק דן, מִפְּאַת קָדִים עַד פְּאַת יָמָּה – ממזרח למערב, חלק אָשֵׁר, אֶחָד.
(ג) וְעַל גְּבוּל אָשֵׁר, מִפְּאַת קָדִימָה וְעַד פְּאַת יָמָּה, חלק נַפְתָּלִי אֶחָד.
(ד) וְעַל גְּבוּל נַפְתָּלִי, מִפְּאַת קָדִמָה עַד פְּאַת יָמָּה, חלק מְנַשֶּׁה אֶחָד.
(ה) וְעַל גְּבוּל מְנַשֶּׁה, מִפְּאַת קָדִמָה עַד פְּאַת יָמָּה, חלק אֶפְרַיִם אֶחָד.
(ו) וְעַל גְּבוּל אֶפְרַיִם, מִפְּאַת קָדִים וְעַד פְּאַת יָמָּה, חלק רְאוּבֵן אֶחָד.
(ז) וְעַל גְּבוּל רְאוּבֵן, מִפְּאַת קָדִים עַד פְּאַת יָמָּה, חלק יְהוּדָה אֶחָד.
(ח) וְעַל גְּבוּל יְהוּדָה, מִפְּאַת קָדִים עַד פְּאַת יָמָּה, תִּהְיֶה הרצועה של הַתְּרוּמָה אֲשֶׁר תָּרִימוּ למלך המשיח, חֲמִשָּׁה וְעֶשְׂרִים אֶלֶף קנים רֹחַב מצפון לדרום, וְאֹרֶךְ יהיה כְּאַחַד הַחֲלָקִים האחרים, מִפְּאַת קָדִימָה עַד פְּאַת יָמָּה, וְהָיָה הַמִּקְדָּשׁ בְּתוֹכוֹ.
