טו בִּשְׁנַת֩ עֶשְׂרִ֨ים וָשֶׁ֜בַע שָׁנָ֗ה לְאָסָא֙ מֶ֣לֶךְ יְהוּדָ֔ה מָלַ֥ךְ זִמְרִ֛י שִׁבְעַ֥ת יָמִ֖ים בְּתִרְצָ֑ה וְהָעָ֣ם חֹנִ֔ים עַֽל־גִּבְּת֖וֹן אֲשֶׁ֥ר לַפְּלִשְׁתִּֽים׃ טז וַיִּשְׁמַ֤ע הָעָם֙ הַֽחֹנִ֣ים לֵאמֹ֔ר קָשַׁ֣ר זִמְרִ֔י וְגַ֖ם הִכָּ֣ה אֶת־הַמֶּ֑לֶךְ וַיַּמְלִ֣כוּ כָֽל־יִ֠שְׂרָאֵל אֶת־עָמְרִ֨י שַׂר־צָבָ֧א עַל־יִשְׂרָאֵ֛ל בַּיּ֥וֹם הַה֖וּא בַּֽמַּחֲנֶֽה׃ יז וַיַּֽעֲלֶ֥ה עָמְרִ֛י וְכָל־יִשְׂרָאֵ֥ל עִמּ֖וֹ מִֽגִּבְּת֑וֹן וַיָּצֻ֖רוּ עַל־תִּרְצָֽה׃ יח וַיְהִ֞י כִּרְא֤וֹת זִמְרִי֙ כִּֽי־נִלְכְּדָ֣ה הָעִ֔יר וַיָּבֹ֖א אֶל־אַרְמ֣וֹן בֵּית־הַמֶּ֑לֶךְ וַיִּשְׂרֹ֨ף עָלָ֧יו אֶת־בֵּֽית־מֶ֛לֶךְ בָּאֵ֖שׁ וַיָּמֹֽת׃ יט עַל־חַטֹּאתָיו֙ אֲשֶׁ֣ר חָטָ֔א לַֽעֲשׂ֥וֹת הָרַ֖ע בְּעֵינֵ֣י ה֑' לָלֶ֨כֶת֙ בְּדֶ֣רֶךְ יָֽרָבְעָ֔ם וּבְחַטָּאתוֹ֙ אֲשֶׁ֣ר עָשָׂ֔ה לְהַֽחֲטִ֖יא אֶת־יִשְׂרָאֵֽל׃ כ וְיֶ֨תֶר֙ דִּבְרֵ֣י זִמְרִ֔י וְקִשְׁר֖וֹ אֲשֶׁ֣ר קָשָׁ֑ר הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃
֍ ֍ ֍
(טו) בִּשְׁנַת עֶשְׂרִים וָשֶׁבַע שָׁנָה לְאָסָא מֶלֶךְ יְהוּדָה מָלַךְ זִמְרִי, אחרי שמרד באֵלָה והרגו, שִׁבְעַת יָמִים מלך בְּתִרְצָה, וְהָעָם היו חֹנִים באותו זמן עַל גִּבְּתוֹן אֲשֶׁר לַפְּלִשְׁתִּים, שהטילו עליה מצור כדי לכובשה מיד הפלישתים.
(טז) וַיִּשְׁמַע הָעָם הַחֹנִים לֵאמֹר, קָשַׁר זִמְרִי וְגַם הִכָּה אֶת הַמֶּלֶךְ, ולא קיבלו עליהם העם את מלכותו של זמרי, וַיַּמְלִכוּ כָל יִשְׂרָאֵל אֶת עָמְרִי שַׂר צָבָא עַל יִשְׂרָאֵל בַּיּוֹם הַהוּא בַּמַּחֲנֶה.
(יז) וַיַּעֲלֶה עָמְרִי וְכָל יִשְׂרָאֵל עִמּוֹ מִגִּבְּתוֹן, וַיָּצֻרוּ עַל תִּרְצָה, שם היה בית מלכותו של זמרי.
(יח) וַיְהִי כִּרְאוֹת זִמְרִי כִּי נִלְכְּדָה הָעִיר, וַיָּבֹא אֶל אַרְמוֹן בֵּית הַמֶּלֶךְ, וַיִּשְׂרֹף עָלָיו עמרי אֶת בֵּית מֶלֶךְ בָּאֵשׁ, וַיָּמֹת זמרי.
(יט) והיה זה עונש עַל חַטֹּאתָיו של זמרי, אֲשֶׁר כבר בהיותו שר מחצית הרכב חָטָא לַעֲשׂוֹת הָרַע בְּעֵינֵי ה', וגם עתה כשמלך היתה כוונתו לָלֶכֶת בְּדֶרֶךְ יָרָבְעָם וּבְחַטָּאתוֹ אֲשֶׁר עָשָׂה לְהַחֲטִיא אֶת יִשְׂרָאֵל.
(כ) וְיֶתֶר דִּבְרֵי זִמְרִי, וְקִשְׁרוֹ אֲשֶׁר קָשָׁר על אֵלָה המלך, הֲלֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יִשְׂרָאֵל.
