ז וַיָּבִ֣יאוּ הַ֠כֹּֽהֲנִים אֶת־אֲר֨וֹן בְּרִית־יְהוָ֧ה אֶל־מְקוֹמ֛וֹ אֶל־דְּבִ֥יר הַבַּ֖יִת אֶל־קֹ֣דֶשׁ הַקֳּדָשִׁ֑ים אֶל־תַּ֖חַת כַּנְפֵ֥י הַכְּרוּבִֽים׃ ח וַיִּֽהְי֤וּ הַכְּרוּבִים֙ פֹּֽרְשִׂ֣ים כְּנָפַ֔יִם עַל־מְק֖וֹם הָֽאָר֑וֹן וַיְכַסּ֧וּ הַכְּרוּבִ֛ים עַל־הָֽאָר֥וֹן וְעַל־בַּדָּ֖יו מִלְמָֽעְלָה׃ ט וַֽיַּאֲרִיכוּ֮ הַבַּדִּים֒ וַיֵּֽרָאוּ֩ רָאשֵׁ֨י הַבַּדִּ֤ים מִן־הָֽאָרוֹן֙ עַל־פְּנֵ֣י הַדְּבִ֔יר וְלֹ֥א יֵֽרָא֖וּ הַח֑וּצָה וַֽיְהִי־שָׁ֔ם עַ֖ד הַיּ֥וֹם הַזֶּֽה׃ י אֵ֚ין בָּֽאָר֔וֹן רַ֚ק שְׁנֵ֣י הַלֻּח֔וֹת אֲשֶׁר־נָתַ֥ן מֹשֶׁ֖ה בְּחֹרֵ֑ב אֲשֶׁ֨ר כָּרַ֤ת יְהוָה֙ עִם־בְּנֵ֣י יִשְׂרָאֵ֔ל בְּצֵאתָ֖ם מִמִּצְרָֽיִם׃
֍ ֍ ֍
(ז) וַיָּבִיאוּ הַכֹּהֲנִים אֶת אֲרוֹן בְּרִית יְהֹוָה אֶל מְקוֹמוֹ אֶל דְּבִיר הַבַּיִת, והיינו הפתח שבין הקדש לבין קדש הקדשים, ומשם אֶל תוך קֹדֶשׁ הַקֳּדָשִׁים, ומשם אֶל תַּחַת כַּנְפֵי הַכְּרוּבִים.
(ח) וַיִּהְיוּ הַכְּרוּבִים מתחילה פֹּרְשִׂים כְּנָפַיִם עַל מְקוֹם הָאָרוֹן, ולאחר שהוכנס הארון, נעשה נס, וַיְכַסּוּ הַכְּרוּבִים מעצמם בכנפיהם עַל הָאָרוֹן וְעַל בַּדָּיו מִלְמָעְלָה.
(ט) ועוד נעשה נס נוסף, וַיַּאֲרִיכוּ הַבַּדִּים – התארכו מעצמם הבדים שבהם נושאים את הארון, וַיֵּרָאוּ רָאשֵׁי הַבַּדִּים מִן הָאָרוֹן עַל פְּנֵי הַדְּבִיר – הגיעו הבדים עד חלל הפתח שבין הקדש לבין קדש הקדשים, ומאחר והתארכו הבדים לא היה ניתן לסגור את הדלתות, ועשה שלמה פרוכת המבדילה בין הקדש לבין קדש הקדשים (רלב"ג), וְלֹא יֵרָאוּ הַחוּצָה, כיון שהפרוכת שהיתה שם מנעה את הראייה לתוך קדש הקדשים, וַיְהִי שָׁם עַד הַיּוֹם הַזֶּה, כלומר, עד אותה העת שנגנז הארון על ידי יאשיהו מלך יהודה.
(י) אֵין בָּאָרוֹן, רַק שְׁנֵי הַלֻּחוֹת אֲשֶׁר נָתַן מֹשֶׁה בְּחֹרֵב, אֲשֶׁר כָּרַת יְהֹוָה עִם בְּנֵי יִשְׂרָאֵל בְּצֵאתָם מִמִּצְרָיִם.
