יא וַיְהִ֕י בְּצֵ֥את הַכֹּֽהֲנִ֖ים מִן־הַקֹּ֑דֶשׁ כִּ֠י כָּל־הַכֹּֽהֲנִ֤ים הַֽנִּמְצְאִים֙ הִתְקַדָּ֔שׁוּ אֵ֖ין לִשְׁמ֥וֹר לְמַחְלְקֽוֹת׃ יב וְהַלְוִיִּ֣ם הַמְשֹֽׁרְרִ֣ים לְכֻלָּ֡ם לְאָסָ֡ף לְהֵימָ֣ן לִֽ֠ידֻתוּן וְלִבְנֵיהֶ֨ם וְלַֽאֲחֵיהֶ֜ם מְלֻבָּשִׁ֣ים בּ֗וּץ בִּמְצִלְתַּ֨יִם֙ וּבִנְבָלִ֣ים וְכִנֹּר֔וֹת עֹֽמְדִ֖ים מִזְרָ֣ח לַמִּזְבֵּ֑חַ וְעִמָּהֶ֤ם כֹּֽהֲנִים֙ לְמֵאָ֣ה וְעֶשְׂרִ֔ים מַחְצְרִ֖ים בַּחֲצֹֽצְרֽוֹת׃ יג וַיְהִ֣י כְ֠אֶחָד לַמְחַצְּרִ֨ים וְלַמְשֹֽׁרְרִ֜ים לְהַשְׁמִ֣יעַ קוֹל־אֶחָ֗ד לְהַלֵּ֣ל וּלְהֹדוֹת֮ לַֽיהוָה֒ וּכְהָרִ֣ים ק֠וֹל בַּחֲצֹֽצְר֨וֹת וּבִמְצִלְתַּ֜יִם וּבִכְלֵ֣י הַשִּׁ֗יר וּבְהַלֵּ֤ל לַֽיהוָה֙ כִּ֣י ט֔וֹב כִּ֥י לְעוֹלָ֖ם חַסְדּ֑וֹ וְהַבַּ֛יִת מָלֵ֥א עָנָ֖ן בֵּ֥ית יְהוָֽה׃ יד וְלֹֽא־יָכְל֧וּ הַכֹּֽהֲנִ֛ים לַֽעֲמ֥וֹד לְשָׁרֵ֖ת מִפְּנֵ֣י הֶֽעָנָ֑ן כִּֽי־מָלֵ֥א כְבוֹד־יְהוָ֖ה אֶת־בֵּ֥ית הָֽאֱלֹהִֽים׃
֍ ֍ ֍
(יא) וַיְהִי בְּצֵאת הַכֹּהֲנִים מִן הַקֹּדֶשׁ, אחרי שהניחו את ארון הברית בקדש הקדשים, כִּי כָּל הַכֹּהֲנִים הַנִּמְצְאִים הִתְקַדָּשׁוּ לעבודה, אֵין לִשְׁמוֹר לְמַחְלְקוֹת – לא חילקו את העבודה לפי משמרות הכהונה, אלא כל הכהנים התקדשו לעבודה.
(יב) וְהַלְוִיִּם הַמְשֹׁרְרִים, לְכֻלָּם – גם הם באו לכל משמרות הלויים, ולא התחלקו, לְאָסָף, לְהֵימָן, לִידֻתוּן, וְלִבְנֵיהֶם וְלַאֲחֵיהֶם, שהיו מאתים שמונים ושמונה ראשי משמרות לויה, כולם באו באותו זמן לעבוד בבית המקדש, מְלֻבָּשִׁים בּוּץ, לנגן בִּמְצִלְתַּיִם, וּבִנְבָלִים, וְכִנֹּרוֹת, עֹמְדִים מִזְרָח לַמִּזְבֵּחַ, ששם היה הדוכן שעליו עמדו הלויים לשיר ולנגן, וְעִמָּהֶם כֹּהֲנִים לְמֵאָה וְעֶשְׂרִים, מַחְצְרִים בַּחֲצֹצְרוֹת, כי החצוצרות היו רק ביד הכהנים, ולא היו יותר ממאה ועשרים.
(יג) ולא נהגו כדרך המשוררים במקהלות, שהאחד פותח והשאר עונים אחריו, אלא וַיְהִי כְאֶחָד – היו כולם כאיש אחד, לַמְחַצְּרִים וְלַמְשֹׁרְרִים, לְהַשְׁמִיעַ קוֹל אֶחָד, לְהַלֵּל וּלְהֹדוֹת לַיהוָה, וּכְהָרִים קוֹל בַּחֲצֹצְרוֹת וּבִמְצִלְתַּיִם וּבִכְלֵי הַשִּׁיר, וּבְהַלֵּל לַיהוָה כִּי טוֹב, כִּי לְעוֹלָם חַסְדּוֹ, וְהַבַּיִת מָלֵא עָנָן בֵּית יְהֹוָה.
(יד) וְלֹא יָכְלוּ הַכֹּהֲנִים לַעֲמוֹד לְשָׁרֵת בהיכל ובעזרה, מִפְּנֵי הֶעָנָן, כִּי מָלֵא כְבוֹד יְהֹוָה אֶת בֵּית הָאֱלֹהִים.
