ה וַיִּתְחַזַּ֡ק וַיִּבֶן֩ אֶת־כָּל־הַֽחוֹמָ֨ה הַפְּרוּצָ֜ה וַיַּ֣עַל עַל־הַמִּגְדָּל֗וֹת וְלַח֨וּצָה֙ הַֽחוֹמָ֣ה אַחֶ֔רֶת וַיְחַזֵּ֥ק אֶת־הַמִּלּ֖וֹא עִ֣יר דָּוִ֑יד וַיַּ֥עַשׂ שֶׁ֛לַח לָרֹ֖ב וּמָֽגִנִּֽים׃ ווַיִּתֵּ֛ן שָׂרֵ֥י מִלְחָמ֖וֹת עַל־הָעָ֑ם וַיִּקְבְּצֵ֣ם אֵלָ֗יו אֶל־רְחוֹב֙ שַׁ֣עַר הָעִ֔יר וַיְדַבֵּ֥ר עַל־לְבָבָ֖ם לֵאמֹֽר׃ ז חִזְק֣וּ וְאִמְצ֔וּ אַל־תִּֽירְא֣וּ וְאַל־תֵּחַ֗תּוּ מִפְּנֵי֙ מֶ֣לֶךְ אַשּׁ֔וּר וּמִלִּפְנֵ֖י כָּל־הֶֽהָמ֣וֹן אֲשֶׁר־עִמּ֑וֹ כִּֽי־עִמָּ֥נוּ רַ֖ב מֵֽעִמּֽוֹ׃ ח עִמּוֹ֙ זְר֣וֹעַ בָּשָׂ֔ר וְעִמָּ֜נוּ יְהוָ֤ה אֱלֹהֵ֨ינוּ֙ לְעָזְרֵ֔נוּ וּלְהִלָּחֵ֖ם מִלְחֲמֹתֵ֑נוּ וַיִּסָּֽמְכ֣וּ הָעָ֔ם עַל־דִּבְרֵ֖י יְחִזְקִיָּ֥הוּ מֶֽלֶךְ־יְהוּדָֽה׃
֍ ֍ ֍
(ה) וַיִּתְחַזַּק חזקיהו, וַיִּבֶן אֶת כָּל הַחוֹמָה הַפְּרוּצָה, שפרץ יואש מלך ישראל משער אפרים ועד שער הפונה, כמבואר לעיל (פרק כ"ה), וַיַּעַל עַל הַמִּגְדָּלוֹתוְלַחוּצָה הַחוֹמָה אַחֶרֶת, כי בנו באותו מקום חומה כפולה, ובתוכה מגדלות,וַיְחַזֵּק אֶת הַמִּלּוֹא עִיר דָּוִיד, וַיַּעַשׂ שֶׁלַח [-מין חרב] לָרֹב, וּמָגִנִּים.
(ו) וַיִּתֵּן שָׂרֵי מִלְחָמוֹת עַל הָעָם, וַיִּקְבְּצֵם אֵלָיו אֶל רְחוֹב שַׁעַר הָעִיר, וַיְדַבֵּר עַללְבָבָם לֵאמֹר.
(ז) חִזְקוּ וְאִמְצוּ, אַל תִּירְאוּ וְאַל תֵּחַתּוּ מִפְּנֵי מֶלֶךְ אַשּׁוּר, וּמִלִּפְנֵי כָּל הֶהָמוֹן אֲשֶׁרעִמּוֹ, כִּי מי שעִמָּנוּ רַב מֵעִמּוֹ.
(ח) עִמּוֹ זְרוֹעַ בָּשָׂר, וְעִמָּנוּ ה' אֱלֹהֵינוּ, לְעָזְרֵנוּ כאשר נלחם בעצמינו, וּלְהִלָּחֵםמִלְחֲמֹתֵנוּ עד שלא נצטרך להלחם כלל, וַיִּסָּמְכוּ הָעָם עַל דִּבְרֵי יְחִזְקִיָּהוּ מֶלֶךְיְהוּדָה.
