כ וְֽהַלְוִיִּ֑ם אֲחִיָּ֗ה עַל־אֽוֹצְרוֹת֙ בֵּ֣ית הָֽאֱלֹהִ֔ים וּלְאֹֽצְר֖וֹת הַקֳּדָשִֽׁים׃ כא בְּנֵ֣י לַ֠עְדָּן בְּנֵ֨י הַגֵּֽרְשֻׁנִּ֜י לְלַעְדָּ֗ן רָאשֵׁ֧י הָֽאָב֛וֹת לְלַעְדָּ֥ן הַגֵּֽרְשֻׁנִּ֖י יְחִיאֵלִֽי׃ כב בְּנֵ֖י יְחִֽיאֵלִ֑י זֵתָם֙ וְיוֹאֵ֣ל אָחִ֔יו עַל־אֹֽצְר֖וֹת בֵּ֥ית יְהוָֽה׃ כג לַֽעַמְרָמִי֙ לַיִּצְהָרִ֔י לַֽחֶבְרוֹנִ֖י לָעָזִּֽיאֵלִֽי׃ כד וּשְׁבֻאֵל֙ בֶּן־גֵּֽרְשׁ֣וֹם בֶּן־מֹשֶׁ֔ה נָגִ֖יד עַל־הָאֹֽצָרֽוֹת׃ כה וְאֶחָ֖יו לֶֽאֱלִיעֶ֑זֶר רְחַבְיָ֨הוּ בְנ֜וֹ וִֽישַׁעְיָ֤הֽוּ בְנוֹ֙ וְיֹרָ֣ם בְּנ֔וֹ וְזִכְרִ֥י בְנ֖וֹ וּשְׁלֹמִ֥ית בְּנֽוֹ׃ כו ה֧וּא שְׁלֹמ֣וֹת וְאֶחָ֗יו עַ֣ל כָּל־אֹֽצְר֤וֹת הַקֳּדָשִׁים֙ אֲשֶׁ֨ר הִקְדִּ֜ישׁ דָּוִ֣יד הַמֶּ֗לֶךְ וְרָאשֵׁ֧י הָֽאָב֛וֹת לְשָׂרֵֽי־הָאֲלָפִ֥ים וְהַמֵּא֖וֹת וְשָׂרֵ֥י הַצָּבָֽא׃ כז מִן־הַמִּלְחָמ֥וֹת וּמִן־הַשָּׁלָ֖ל הִקְדִּ֑ישׁוּ לְחַזֵּ֖ק לְבֵ֥ית יְהוָֽה׃ כח וְכֹ֨ל הַֽהִקְדִּ֜ישׁ שְׁמוּאֵ֤ל הָֽרֹאֶה֙ וְשָׁא֣וּל בֶּן־קִ֔ישׁ וְאַבְנֵ֣ר בֶּן־נֵ֔ר וְיוֹאָ֖ב בֶּן־צְרוּיָ֑ה כֹּ֚ל הַמַּקְדִּ֔ישׁ עַ֥ל יַד־שְׁלֹמִ֖ית וְאֶחָֽיו׃
֍ ֍ ֍
(כ) וְהַלְוִיִּם, היו מהם ממונים גם על שמירת האוצרות, והממונה עליהם היה אֲחִיָּה, עַל אוֹצְרוֹת בֵּית הָאֱלֹהִים, וּלְאֹצְרוֹת הַקֳּדָשִׁים.
(כא) בְּנֵי לַעְדָּן שהיו בְּנֵי הַגֵּרְשֻׁנִּי, לְלַעְדָּן רָאשֵׁי הָאָבוֹת – לעדן נטל גדולה יותר מכולם, שהיו מבניו ראשי אבות מרובים, לְלַעְדָּן מבני הַגֵּרְשֻׁנִּי, יְחִיאֵלִי – בני יחיאל היו ממונים על האוצרות.
(כב) בְּנֵי יְחִיאֵלִי, היו ממונים, ועמהם זֵתָם וְיוֹאֵל אָחִיו של יחיאל, ממונים עַל אֹצְרוֹת בֵּית יְהֹוָה.
(כג) וכן משאר משפחות הלויים היו ממונים על האוצרות, לַעַמְרָמִי, לַיִּצְהָרִי, לַחֶבְרוֹנִי, לָעָזִּיאֵלִי.
(כד) וּשְׁבֻאֵל, בֶּן גֵּרְשׁוֹם, בֶּן מֹשֶׁה איש האלהים, היה נָגִיד עַל כל הָאֹצָרוֹת.
(כה) וְאֶחָיו, לֶאֱלִיעֶזֶר בן משה, רְחַבְיָהוּ בְנוֹ, וִישַׁעְיָהוּ בְנוֹ של רחביהו, וְיֹרָם בְּנוֹ של ישעיהו, וְזִכְרִי בְנוֹ של יורם, וּשְׁלֹמִית בְּנוֹ של זכרי.
(כו) הוּא שְׁלֹמוֹת וְאֶחָיו ממונים עַל כָּל אֹצְרוֹת הַקֳּדָשִׁים אֲשֶׁר הִקְדִּישׁ דָּוִיד הַמֶּלֶךְ, וְרָאשֵׁי הָאָבוֹת, לְשָׂרֵי הָאֲלָפִים וְהַמֵּאוֹת, וְשָׂרֵי הַצָּבָא.
(כז) כל מה שהקדישו מִן הַמִּלְחָמוֹת וּמִן הַשָּׁלָל, הִקְדִּישׁוּ לְחַזֵּק לְבֵית יְהֹוָה.
(כח) וְכֹל הַהִקְדִּישׁ [-אשר הקדיש] שְׁמוּאֵל הָרֹאֶה [-הנביא], וְשָׁאוּל המלך בֶּן קִישׁ, וְאַבְנֵר בֶּן נֵר שר צבא שאול, וְיוֹאָב בֶּן צְרוּיָה שר צבא דוד, כֹּל הַמַּקְדִּישׁ משלל המלחמות היה ניתן עַל יַד שְׁלֹמִית וְאֶחָיו.
