טו וַיַּ֨עַשׂ הַמֶּ֧לֶךְ שְׁלֹמֹ֛ה מָאתַ֥יִם צִנָּ֖ה זָהָ֣ב שָׁח֑וּט שֵׁ֤שׁ מֵאוֹת֙ זָהָ֣ב שָׁח֔וּט יַֽעֲלֶ֖ה עַל־הַצִּנָּ֥ה הָֽאֶחָֽת׃ טז וּשְׁלֹשׁ־מֵא֤וֹת מָֽגִנִּים֙ זָהָ֣ב שָׁח֔וּט שְׁלֹ֤שׁ מֵאוֹת֙ זָהָ֔ב יַֽעֲלֶ֖ה עַל־הַמָּגֵ֣ן הָֽאֶחָ֑ת וַיִּתְּנֵ֣ם הַמֶּ֔לֶךְ בְּבֵ֖ית יַ֥עַר הַלְּבָנֽוֹן׃ יז וַיַּ֧עַשׂ הַמֶּ֛לֶךְ כִּסֵּא־שֵׁ֖ן גָּד֑וֹל וַיְצַפֵּ֖הוּ זָהָ֥ב טָהֽוֹר׃ יח וְשֵׁ֣שׁ מַֽעֲל֣וֹת לַ֠כִּסֵּא וְכֶ֨בֶשׁ בַּזָּהָ֤ב לַכִּסֵּא֙ מָֽאֳחָזִ֔ים וְיָד֛וֹת מִזֶּ֥ה וּמִזֶּ֖ה עַל־מְק֣וֹם הַשָּׁ֑בֶת וּשְׁנַ֣יִם אֲרָי֔וֹת עֹֽמְדִ֖ים אֵ֥צֶל הַיָּדֽוֹת׃
֍ ֍ ֍
(טו) וַיַּעַשׂ הַמֶּלֶךְ שְׁלֹמֹה מָאתַיִם צִנָּה [-מגן מיוחד השומר על הלוחם משלשת צדדיו], זָהָב שָׁחוּט – זהב מיוחד ויקר, אף שבדרך כלל עושים את המגינים מברזל, לרוב עושרו עשאם שלמה מזהב, שֵׁשׁ מֵאוֹת דינרי זָהָב שָׁחוּט יַעֲלֶה עַל הַצִּנָּה הָאֶחָת.
(טז) וּשְׁלֹשׁ מֵאוֹת מָגִנִּים – המגינים על הלוחם רק מצד אחד, עשאם שלמה זָהָב שָׁחוּט, שְׁלֹשׁ מֵאוֹת זָהָב יַעֲלֶה עַל הַמָּגֵן הָאֶחָת, וַיִּתְּנֵם הַמֶּלֶךְ בְּבֵית יַעַר הַלְּבָנוֹן.
(יז) וַיַּעַשׂ הַמֶּלֶךְ לכסא מלכותו כִּסֵּא שֵׁן [-שן פיל, שנהב] גָּדוֹל, וַיְצַפֵּהוּ זָהָב טָהוֹר.
(יח) וְשֵׁשׁ מַעֲלוֹת [-מדרגות] לַכִּסֵּא, וְכֶבֶשׁ בַּזָּהָב לַכִּסֵּא מָאֳחָזִים – ודרך הכבש היה שלמה מגיע למדרגות הכסא, והמדרגות היו אחוזים בכסא, וְיָדוֹת מִזֶּה וּמִזֶּה עַל מְקוֹם הַשָּׁבֶת – שתי ידיות היו משני צידי מקום מושבו, לסמוך עליהם את ידיו, וּשְׁנַיִם אֲרָיוֹת מזהב היו עֹמְדִים אֵצֶל הַיָּדוֹת, מזה ומזה.
