ז וַתִּתֵּ֤ן תַּזְנוּתֶ֨יהָ֙ עֲלֵיהֶ֔ם מִבְחַ֥ר בְּנֵֽי־אַשּׁ֖וּר כֻּלָּ֑ם וּבְכֹ֧ל אֲשֶׁר־עָֽגְבָ֛ה בְּכָל־גִּלּֽוּלֵיהֶ֖ם נִטְמָֽאָה׃ ח וְאֶת־תַּזְנוּתֶ֤יהָ מִמִּצְרַ֨יִם֙ לֹ֣א עָזָ֔בָה כִּ֤י אוֹתָהּ֙ שָֽׁכְב֣וּ בִנְעוּרֶ֔יהָ וְהֵ֥מָּה עִשּׂ֖וּ דַּדֵּ֣י בְתוּלֶ֑יהָ וַיִּשְׁפְּכ֥וּ תַזְנוּתָ֖ם עָלֶֽיהָ׃
֍ ֍ ֍
(ז) וַתִּתֵּן תַּזְנוּתֶיהָ עֲלֵיהֶם בימי הושע בן אלה מלך ישראל, שנעשה עבד למלך אשור, שנאמר (מלכים ב' י"ז ג') "עָלָיו עָלָה שַׁלְמַנְאֶסֶר מֶלֶךְ אַשּׁוּר, וַיְהִי לוֹ הוֹשֵׁעַ עֶבֶד, וַיָּשֶׁב לוֹ מִנְחָה", מִבְחַר בְּנֵי אַשּׁוּר כֻּלָּם, וּבְכֹל אֲשֶׁר עָגְבָה, בְּכָל גִּלּוּלֵיהֶם נִטְמָאָה, כי למדו מבני אשור לעבוד עבודה זרה.
(ח) וְאֶת תַּזְנוּתֶיהָ מִמִּצְרַיִם לֹא עָזָבָה, כִּי אוֹתָהּ שָׁכְבוּ בִנְעוּרֶיהָ, וְהֵמָּה עִשּׂוּ דַּדֵּי בְתוּלֶיהָ, וַיִּשְׁפְּכוּ תַזְנוּתָם עָלֶיהָ, וכך ישראל לא עזבו את הברית שהיתה להם עם מצרים, שנאמר (מלכים ב' י"ז ד') "וַיִּמְצָא מֶלֶךְ אַשּׁוּר בְּהוֹשֵׁעַ קֶשֶׁר, אֲשֶׁר שָׁלַח מַלְאָכִים אֶל סוֹא מֶלֶךְ מִצְרַיִם, וְלֹא הֶעֱלָה מִנְחָה לְמֶלֶךְ אַשּׁוּר כְּשָׁנָה בְשָׁנָה וַיַּעַצְרֵהוּ מֶלֶךְ אַשּׁוּר וַיַּאַסְרֵהוּ בֵּית כֶּלֶא".
