א וַיַּמְלִיכוּ֩ יֽוֹשְׁבֵ֨י יְרֽוּשָׁלִַ֜ם אֶת־אֲחַזְיָ֨הוּ בְנ֤וֹ הַקָּטֹן֙ תַּחְתָּ֔יו כִּ֤י כָל־הָרִֽאשֹׁנִים֙ הָרַ֣ג הַגְּד֔וּד הַבָּ֥א בָֽעַרְבִ֖ים לַֽמַּחֲנֶ֑ה וַיִּמְלֹ֛ךְ אֲחַזְיָ֥הוּ בֶן־יְהוֹרָ֖ם מֶ֥לֶךְ יְהוּדָֽה׃ב בֶּן־אַרְבָּעִ֨ים וּשְׁתַּ֤יִם שָׁנָה֙ אֲחַזְיָ֣הוּ בְמָלְכ֔וֹ וְשָׁנָ֣ה אַחַ֔ת מָלַ֖ךְ בִּירֽוּשָׁלִָ֑ם וְשֵׁ֣ם אִמּ֔וֹ עֲתַלְיָ֖הוּ בַּת־עָמְרִֽי׃ ג גַּם־ה֣וּא הָלַ֔ךְ בְּדַרְכֵ֖י בֵּ֣ית אַחְאָ֑ב כִּ֥י אִמּ֛וֹ הָֽיְתָ֥ה יֽוֹעַצְתּ֖וֹ לְהַרְשִֽׁיעַ׃ ד וַיַּ֧עַשׂ הָרַ֛ע בְּעֵינֵ֥י יְהוָ֖ה כְּבֵ֣ית אַחְאָ֑ב כִּי־הֵ֜מָּה הָֽיוּ־ל֣וֹ יֽוֹעֲצִ֗ים אַֽחֲרֵ֛י מ֥וֹת אָבִ֖יו לְמַשְׁחִ֥ית לֽוֹ׃ ה גַּ֣ם בַּֽעֲצָתָם֮ הָלַךְ֒ וַיֵּלֶךְ֩ אֶת־יְהוֹרָ֨ם בֶּן־אַחְאָ֜ב מֶ֣לֶךְ יִשְׂרָאֵ֗ל לַמִּלְחָמָ֛ה עַל־חֲזָאֵ֥ל מֶֽלֶךְ־אֲרָ֖ם בְּרָמ֣וֹת גִּלְעָ֑ד וַיַּכּ֥וּ הָֽרַמִּ֖ים אֶת־יוֹרָֽם׃ ו וַיָּ֜שָׁב לְהִתְרַפֵּ֣א בְיִזְרְעֶ֗אל כִּ֤י הַמַּכִּים֙ אֲשֶׁ֣ר הִכֻּ֣הוּ בָֽרָמָ֔ה בְּהִלָּ֣חֲמ֔וֹ אֶת־חֲזָהאֵ֖ל מֶ֣לֶךְ אֲרָ֑ם וַֽעֲזַרְיָ֨הוּ בֶן־יְהוֹרָ֜ם מֶ֣לֶךְ יְהוּדָ֗ה יָרַ֡ד לִרְא֞וֹת אֶת־יְהוֹרָ֧ם בֶּן־אַחְאָ֛ב בְּיִזְרְעֶ֖אל כִּֽי־חֹלֶ֥ה הֽוּא׃
֍ ֍ ֍
פרק כב (א) וַיַּמְלִיכוּ יוֹשְׁבֵי יְרוּשָׁלִַם אֶת אֲחַזְיָהוּ [-הוא יהואחז] בְנוֹ הַקָּטֹן של יהורם תַּחְתָּיו, כִּי את כָל הבנים הָרִאשֹׁנִים של יהורם הָרַג הַגְּדוּד הַבָּא בָעַרְבִים לַמַּחֲנֶה, וַיִּמְלֹךְ אֲחַזְיָהוּ בֶן יְהוֹרָם מֶלֶךְ יְהוּדָה.
(ב) ובשעה שמלך אחזיהו היה יהורם אביו בֶּן אַרְבָּעִים, והמליכו את יהואחז בנו בחייו כיון שהיה חולה, וּשְׁתַּיִם שָׁנָה אֲחַזְיָהוּ בְמָלְכוֹ – ושנתיים מלך אחזיהו, שנה אחת בחיי אביו, וְשָׁנָה אַחַת לאחר מיתת אביו, מָלַךְ בִּירוּשָׁלִָם, וְשֵׁם אִמּוֹ עֲתַלְיָהוּ בַּת אחאב בנו של עָמְרִי, שהיו שניהם ממלכי ישראל הרשעים.
(ג) גַּם הוּא הָלַךְ בְּדַרְכֵי בֵּית אַחְאָב, כִּי אִמּוֹ, שהיתה מבית אחאב, הָיְתָה יוֹעַצְתּוֹ לְהַרְשִׁיעַ.
(ד) וַיַּעַשׂ הָרַע בְּעֵינֵי יְהֹוָה, כְּבֵית אַחְאָב, כִּי הֵמָּה הָיוּ לוֹ יוֹעֲצִים אַחֲרֵי מוֹת אָבִיו, ועצותיהם היו לְמַשְׁחִית לוֹ.
(ה) גַּם בַּעֲצָתָם הָלַךְ, וַיֵּלֶךְ אֶת יְהוֹרָם בֶּן אַחְאָב מֶלֶךְ יִשְׂרָאֵל, לַמִּלְחָמָה עַל חֲזָאֵל מֶלֶךְ אֲרָם בְּרָמוֹת גִּלְעָד, והיה לו ללמוד מיהושפט, שהלך עם אחאב למלחמה, והתחרט על כך, וַיַּכּוּ הָרַמִּים [-הארמים] אֶת יוֹרָם מלך ישראל.
(ו) וַיָּשָׁב יורם מלך ישראל לְהִתְרַפֵּא בְיִזְרְעֶאל, והטעם לכך שהלך לשם ולא נשאר להתרפא ברמה, כִּי הַמַּכִּים אֲשֶׁר הִכֻּהוּ נשארו בָרָמָה, בְּהִלָּחֲמוֹ אֶת חֲזָהאֵל מֶלֶךְ אֲרָם. וַעֲזַרְיָהוּ [-הוא אחזיהו] בֶן יְהוֹרָם מֶלֶךְ יְהוּדָה, במקום למהר ולשוב לביתו לאחר שראה את הרעה שבאה ליורם מלך ישראל, יָרַד לִרְאוֹת ולבקר אֶת יְהוֹרָם בֶּן אַחְאָב בְּיִזְרְעֶאל, כִּי חֹלֶה הוּא.
