ח וּבִשְׁנַ֨ת שְׁמוֹנֶ֤ה עֶשְׂרֵה֙ לְמָלְכ֔וֹ לְטַהֵ֥ר הָאָ֖רֶץ וְהַבָּ֑יִת שָׁ֠לַח אֶת־שָׁפָ֨ן בֶּן־אֲצַלְיָ֜הוּ וְאֶת־מַֽעֲשֵׂיָ֣הוּ שַׂר־הָעִ֗יר וְ֠אֵת יוֹאָ֤ח בֶּן־יֽוֹאָחָז֙ הַמַּזְכִּ֔יר לְחַזֵּ֕ק אֶת־בֵּ֖ית יְהוָ֥ה אֱלֹהָֽיו׃ ט וַיָּבֹ֜אוּ אֶל־חִלְקִיָּ֣הוּ ׀ הַכֹּהֵ֣ן הַגָּד֗וֹל וַֽיִּתְּנוּ֮ אֶת־הַכֶּסֶף֮ הַמּוּבָ֣א בֵית־אֱלֹהִים֒ אֲשֶׁ֣ר אָסְפֽוּ־הַלְוִיִּם֩ שֹֽׁמְרֵ֨י הַסַּ֜ף מִיַּ֧ד מְנַשֶּׁ֣ה וְאֶפְרַ֗יִם וּמִכֹּל֙ שְׁאֵרִ֣ית יִשְׂרָאֵ֔ל וּמִכָּל־יְהוּדָ֖ה וּבִנְיָמִ֑ן וַיָּשֻׁ֖בוּ יְרֽוּשָׁלִָֽם׃ י וַֽיִּתְּנ֗וּ עַל־יַד֙ עֹשֵׂ֣ה הַמְּלָאכָ֔ה הַמֻּפְקָדִ֖ים בְּבֵ֣ית יְהוָ֑ה וַיִּתְּנ֨וּ אֹת֜וֹ עוֹשֵׂ֣י הַמְּלָאכָ֗ה אֲשֶׁ֤ר עֹשִׂים֙ בְּבֵ֣ית יְהוָ֔ה לִבְדּ֥וֹק וּלְחַזֵּ֖ק הַבָּֽיִת׃ יאוַֽיִּתְּנ֗וּ לֶחָֽרָשִׁים֙ וְלַבֹּנִ֔ים לִקְנוֹת֙ אַבְנֵ֣י מַחְצֵ֔ב וְעֵצִ֖ים לַֽמְחַבְּר֑וֹת וּלְקָרוֹת֙ אֶת־הַבָּ֣תִּ֔ים אֲשֶׁ֥ר הִשְׁחִ֖יתוּ מַלְכֵ֥י יְהוּדָֽה׃ יב וְהָֽאֲנָשִׁים֩ עֹשִׂ֨ים בֶּֽאֱמוּנָ֜ה בַּמְּלָאכָ֗ה וַֽעֲלֵיהֶ֣ם ׀ מֻ֠פְקָדִים יַ֣חַת וְעֹֽבַדְיָ֤הוּ הַלְוִיִּם֙ מִן־בְּנֵ֣י מְרָרִ֔י וּזְכַרְיָ֧ה וּמְשֻׁלָּ֛ם מִן־בְּנֵ֥י הַקְּהָתִ֖ים לְנַצֵּ֑חַ וְהַ֨לְוִיִּ֔ם כָּל־מֵבִ֖ין בִּכְלֵי־שִֽׁיר׃ יג וְעַ֣ל הַסַּבָּלִ֗ים וּֽמְנַצְּחִים֙ לְכֹל֙ עֹשֵׂ֣ה מְלָאכָ֔ה לַֽעֲבוֹדָ֖ה וַֽעֲבוֹדָ֑ה וּמֵֽהַלְוִיִּ֔ם סֽוֹפְרִ֥ים וְשֹֽׁטְרִ֖ים וְשֽׁוֹעֲרִֽים׃
֍ ֍ ֍
(ח) וּבִשְׁנַת שְׁמוֹנֶה עֶשְׂרֵה לְמָלְכוֹ, רצה יאשיהו לְטַהֵר את הָאָרֶץ וְהַבָּיִת, שָׁלַחאֶת שָׁפָן בֶּן אֲצַלְיָהוּ, וְאֶת מַעֲשֵׂיָהוּ שַׂר הָעִיר, וְאֵת יוֹאָח בֶּן יוֹאָחָז הַמַּזְכִּיר [-הממונה על ספר הזכרונות], לְחַזֵּק אֶת בֵּית ה' אֱלֹהָיו.
(ט) וַיָּבֹאוּ אֶל חִלְקִיָּהוּ הַכֹּהֵן הַגָּדוֹל, וַיִּתְּנוּ אֶת הַכֶּסֶף הַמּוּבָא בֵית אֱלֹהִים, אֲשֶׁראָסְפוּ הַלְוִיִּם שֹׁמְרֵי הַסַּף מִיַּד הערים שנשארו למְנַשֶּׁה וְאֶפְרַיִם, וּמִכֹּל שְׁאֵרִיתיִשְׂרָאֵל, וּמִכָּל יְהוּדָה וּבִנְיָמִן, וַיָּשֻׁבוּ יְרוּשָׁלִָם.
(י) וַיִּתְּנוּ את הכסף עַל יַד עֹשֵׂה הַמְּלָאכָה – הגבאי הממונה על כל הגבאיםהַמֻּפְקָדִים בְּבֵית ה', וַיִּתְּנוּ אֹתוֹ הגבאים אל עוֹשֵׂי הַמְּלָאכָה אֲשֶׁר עֹשִׂיםמלאכתם בְּבֵית ה', לִבְדּוֹק וּלְחַזֵּק את הַבָּיִת.
(יא) וַיִּתְּנוּ הממונים את הכסף לֶחָרָשִׁים וְלַבֹּנִים, לִקְנוֹת אַבְנֵי מַחְצֵב, וְעֵצִיםלַמְחַבְּרוֹת – לחבר את המקומות שנפרדו, וּלְקָרוֹת אֶת הַבָּתִּים אֲשֶׁר הִשְׁחִיתוּמַלְכֵי יְהוּדָה.
(יב) וְהָאֲנָשִׁים עֹשִׂים בֶּאֱמוּנָה בַּמְּלָאכָה, וַעֲלֵיהֶם מֻפְקָדִים יַחַת וְעֹבַדְיָהוּ הַלְוִיִּםמִן בְּנֵי מְרָרִי, וּזְכַרְיָה וּמְשֻׁלָּם מִן בְּנֵי הַקְּהָתִים לְנַצֵּחַ על המלאכה, וְהַלְוִיִּםהממונים היו החשובים שביניהם, כָּל מֵבִין בִּכְלֵי שִׁיר, ומחמת חשיבותם בכך שהיו מבינים בחכמת השירה, נתנו להם גם תפקיד זה, להיות ממונים על כספי המקדש.
(יג) וְעַל הַסַּבָּלִים – והם היו ממונים גם על הסבלים, וּמְנַצְּחִים לְכֹל עֹשֵׂהמְלָאכָה, לַעֲבוֹדָה וַעֲבוֹדָה – על כל עבודה היה לוי אחר ממונה, וּמֵהַלְוִיִּם היוסוֹפְרִים, וְשֹׁטְרִים, וְשׁוֹעֲרִים.
