ד כִּ֤י עַזָּה֙ עֲזוּבָ֣ה תִֽהְיֶ֔ה וְאַשְׁקְל֖וֹן לִשְׁמָמָ֑ה אַשְׁדּ֗וֹד בַּֽצָּהֳרַ֨יִם֙ יְגָ֣רְשׁ֔וּהָ וְעֶקְר֖וֹן תֵּֽעָקֵֽר׃ ה ה֗וֹי יֹֽשְׁבֵ֛י חֶ֥בֶל הַיָּ֖ם גּ֣וֹי כְּרֵתִ֑ים דְּבַר־יְהוָ֣ה עֲלֵיכֶ֗ם כְּנַ֨עַן֙ אֶ֣רֶץ פְּלִשְׁתִּ֔ים וְהַֽאֲבַדְתִּ֖יךְ מֵאֵ֥ין יוֹשֵֽׁב׃ ו וְֽהָיְתָ֞ה חֶ֣בֶל הַיָּ֗ם נְוֹ֛ת כְּרֹ֥ת רֹעִ֖ים וְגִדְר֥וֹת צֹֽאן׃ ז וְהָ֣יָה חֶ֗בֶל לִשְׁאֵרִ֛ית בֵּ֥ית יְהוּדָ֖ה עֲלֵיהֶ֣ם יִרְע֑וּן בְּבָתֵּ֣י אַשְׁקְל֗וֹן בָּעֶ֨רֶב֙ יִרְבָּצ֔וּן כִּ֧י יִפְקְדֵ֛ם יְהוָ֥ה אֱלֹֽהֵיהֶ֖ם וְשָׁ֥ב שְׁבִיתָֽם׃
֍ ֍ ֍
(ד) ויום ה' המוכן לפורענות יכלול את כל האומות, כִּי עַזָּה, השייכת לפלשתים, עֲזוּבָה תִהְיֶה. וְאַשְׁקְלוֹן, לִשְׁמָמָה. אַשְׁדּוֹד, בַּצָּהֳרַיִם יְגָרְשׁוּהָ. וְעֶקְרוֹן תֵּעָקֵר.
(ה) הוֹי על הפלשתים, יֹשְׁבֵי חֶבֶל הַיָּם, גּוֹי כְּרֵתִים, ומלבד שזה היה כינויים של הפלשתים, הוסיף לרמוז להם בכך שהם העם העומד להיכרת, דְּבַר ה' עֲלֵיכֶם – כבר נאמרו עליכם נבואות על ידי יואל, עמוס וישעיהו, כְּנַעַן אֶרֶץ פְּלִשְׁתִּים, ועתה נוספה עליכם נבואה נוספת זו, וְהַאֲבַדְתִּיךְ מֵאֵין יוֹשֵׁב.
(ו) וְהָיְתָה חֶבֶל הַיָּם של ארץ פלשתים, נְוֹת כְּרֹת רֹעִים וְגִדְרוֹת צֹאן – מקום מרעה לצאן, ולסעודת הרועים.
(ז) וְהָיָה מקום זה של הפלשתים חֶבֶל [-חלק ונחלה] לִשְׁאֵרִית בֵּית יְהוּדָה, כי ארץ פלישתים היא מהארצות שכבש יהושע בן נון, ועתה תחזור ארץ זו לידם, עֲלֵיהֶם יִרְעוּן – שם ירעו את צאנם, בְּבָתֵּי אַשְׁקְלוֹן בָּעֶרֶב יִרְבָּצוּן, ומבאר מתי יהיה הדבר, כִּי יִפְקְדֵם ה' אֱלֹהֵיהֶם בזמן בית המקדש השני, וְשָׁב שְׁבִיתָם – אנהיג בנחת ובשלוה את השבים מן הגלות.
