פרק לה א וַיַּ֨עַשׂ יֹֽאשִׁיָּ֧הוּ בִירֽוּשָׁלִַ֛ם פֶּ֖סַח לַֽיהוָ֑ה וַיִּשְׁחֲט֣וּ הַפֶּ֔סַח בְּאַרְבָּעָ֥ה עָשָׂ֖ר לַחֹ֥דֶשׁ הָֽרִאשֽׁוֹן׃ ב וַיַּֽעֲמֵ֥ד הַכֹּֽהֲנִ֖ים עַל־מִשְׁמְרוֹתָ֑ם וַֽיְחַזְּקֵ֔ם לַֽעֲבוֹדַ֖ת בֵּ֥ית יְהוָֽה׃ ג וַיֹּ֣אמֶר לַ֠לְוִיִּם הַמְּבִינִ֨ים לְכָל־יִשְׂרָאֵ֜ל הַקְּדוֹשִׁ֣ים לַֽיהוָ֗ה תְּנ֤וּ אֶת־אֲרוֹן־הַקֹּ֨דֶשׁ֙ בַּ֠בַּיִת אֲשֶׁ֨ר בָּנָ֜ה שְׁלֹמֹ֤ה בֶן־דָּוִיד֙ מֶ֣לֶךְ יִשְׂרָאֵ֔ל אֵין־לָכֶ֥ם מַשָּׂ֖א בַּכָּתֵ֑ף עַתָּ֗ה עִבְדוּ֙ אֶת־יְהוָ֣ה אֱלֹֽהֵיכֶ֔ם וְאֵ֖ת עַמּ֥וֹ יִשְׂרָאֵֽל׃ד וְהָכִ֥ינוּ לְבֵית־אֲבֽוֹתֵיכֶ֖ם כְּמַחְלְקֽוֹתֵיכֶ֑ם בִּכְתָ֗ב דָּוִיד֙ מֶ֣לֶךְ יִשְׂרָאֵ֔ל וּבְמִכְתַּ֖ב שְׁלֹמֹ֥ה בְנֽוֹ׃ ה וְעִמְד֣וּ בַקֹּ֗דֶשׁ לִפְלוּגֹּת֙ בֵּ֣ית הָֽאָב֔וֹת לַֽאֲחֵיכֶ֖ם בְּנֵ֣י הָעָ֑ם וַֽחֲלֻקַּ֥ת בֵּֽית־אָ֖ב לַלְוִיִּֽם׃ ו וְשַֽׁחֲט֖וּ הַפָּ֑סַח וְהִתְקַדְּשׁוּ֙ וְהָכִ֣ינוּ לַֽאֲחֵיכֶ֔ם לַֽעֲשׂ֥וֹת כִּדְבַר־יְהוָ֖ה בְּיַד־מֹשֶֽׁה׃
֍ ֍ ֍
פרק לה (א) וַיַּעַשׂ יֹאשִׁיָּהוּ בִירוּשָׁלִַם פֶּסַח לַה', וַיִּשְׁחֲטוּ את קרבן הַפֶּסַחבְּאַרְבָּעָה עָשָׂר לַחֹדֶשׁ הָרִאשׁוֹן.
(ב) וַיַּעֲמֵד יאשיהו את הַכֹּהֲנִים עַל מִשְׁמְרוֹתָם, וַיְחַזְּקֵם לַעֲבוֹדַת בֵּית ה'.
(ג) וַיֹּאמֶר לַלְוִיִּם הַמְּבִינִים לְכָל יִשְׂרָאֵל הַקְּדוֹשִׁים לַה', תְּנוּ אֶת אֲרוֹן הַקֹּדֶשׁבַּבַּיִת אֲשֶׁר בָּנָה שְׁלֹמֹה בֶן דָּוִיד מֶלֶךְ יִשְׂרָאֵל, כי המלכים הרשעים הסירו את הארון ממקומו והניחו שם את פסיליהם, ויאשיהו החזירו לשם. והוסיף ואמר ללויים, אֵין לָכֶם מַשָּׂא בַּכָּתֵף, כפי שהיה לכם במדבר, ועַתָּה עִבְדוּ אֶת ה'אֱלֹהֵיכֶם וְאֵת עַמּוֹ יִשְׂרָאֵל על ידי שירה בפה ובעבודת המקדש [וחז"ל דרשו שבשעה שבנה שלמה את בית המקדש ידע שהוא עתיד להחרב, ולכן בנה מחילה מיוחדת בנמשכת מבית קדש הקדשים להטמין בו את הארון, ועתה, שידע יאשיהו שזמן החורבן מתקרב, ציוה להטמין את הארון באותו מקום].
(ד) וְהָכִינוּ את עצמכם לְבֵית אֲבוֹתֵיכֶם, כְּמַחְלְקוֹתֵיכֶם, בִּכְתָב דָּוִיד מֶלֶךְ יִשְׂרָאֵלוּבְמִכְתַּב שְׁלֹמֹה בְנוֹ.
(ה) וְעִמְדוּ בַקֹּדֶשׁ לִפְלוּגֹּת בֵּית הָאָבוֹת, לַאֲחֵיכֶם בְּנֵי הָעָם, וַחֲלֻקַּת בֵּית אָבלַלְוִיִּם, כי כל בית אב של ישראל היה כנגדו בית אב מהלויים לעבודת המקדש, ועל זה אמר להם, שכל בית אב מהלויים יעשה את העבודה עבור בית האב של ישראל שכנגדו.
(ו) וְשַׁחֲטוּ הַפָּסַח, וְהִתְקַדְּשׁוּ, וְהָכִינוּ לַאֲחֵיכֶם לַעֲשׂוֹת כִּדְבַר ה' בְּיַד מֹשֶׁה.
