יד גַּ֠ם כָּל־שָׂרֵ֨י הַכֹּֽהֲנִ֤ים וְהָעָם֙ הִרְבּ֣וּ לִמְעָל־מַ֔עַל כְּכֹ֖ל תֹּֽעֲב֣וֹת הַגּוֹיִ֑ם וַֽיְטַמְּאוּ֙ אֶת־בֵּ֣ית יְהוָ֔ה אֲשֶׁ֥ר הִקְדִּ֖ישׁ בִּירֽוּשָׁלִָֽם׃ טו וַיִּשְׁלַ֡ח יְהוָה֩ אֱלֹהֵ֨י אֲבֽוֹתֵיהֶ֧ם עֲלֵיהֶ֛ם בְּיַ֥ד מַלְאָכָ֖יו הַשְׁכֵּ֣ם וְשָׁל֑וֹחַ כִּֽי־חָמַ֥ל עַל־עַמּ֖וֹ וְעַל־מְעוֹנֽוֹ׃ טז וַיִּֽהְי֤וּ מַלְעִבִים֙ בְּמַלְאֲכֵ֣י הָֽאֱלֹהִ֔ים וּבוֹזִ֣ים דְּבָרָ֔יו וּמִֽתַּעְתְּעִ֖ים בִּנְבִאָ֑יו עַ֠ד עֲל֧וֹת חֲמַת־יְהוָ֛ה בְּעַמּ֖וֹ עַד־לְאֵ֥ין מַרְפֵּֽא׃ יז וַיַּ֨עַל עֲלֵיהֶ֜ם אֶת־מֶ֣לֶךְ כַּשְׂדִּ֗ים וַיַּֽהֲרֹ֨ג בַּחֽוּרֵיהֶ֤ם בַּחֶ֨רֶב֙ בְּבֵ֣ית מִקְדָּשָׁ֔ם וְלֹ֥א חָמַ֛ל עַל־בָּח֥וּר וּבְתוּלָ֖ה זָקֵ֣ן וְיָשֵׁ֑שׁ הַכֹּ֖ל נָתַ֥ן בְּיָדֽוֹ׃ יח וְ֠כֹל כְּלֵ֞י בֵּ֤ית הָֽאֱלֹהִים֙ הַגְּדֹלִ֣ים וְהַקְּטַנִּ֔ים וְאֹֽצְרוֹת֙ בֵּ֣ית יְהוָ֔ה וְאֹֽצְר֥וֹת הַמֶּ֖לֶךְ וְשָׂרָ֑יו הַכֹּ֖ל הֵבִ֥יא בָבֶֽל׃ יט וַֽיִּשְׂרְפוּ֙ אֶת־בֵּ֣ית הָֽאֱלֹהִ֔ים וַֽיְנַתְּצ֔וּ אֵ֖ת חוֹמַ֣ת יְרֽוּשָׁלִָ֑ם וְכָל־אַרְמְנוֹתֶ֨יהָ֙ שָֽׂרְפ֣וּ בָאֵ֔שׁ וְכָל־כְּלֵ֥י מַֽחֲמַדֶּ֖יהָ לְהַשְׁחִֽית׃ כ וַיֶּ֛גֶל הַשְּׁאֵרִ֥ית מִן־הַחֶ֖רֶב אֶל־בָּבֶ֑ל וַיִּֽהְיוּ־ל֤וֹ וּלְבָנָיו֙ לַֽעֲבָדִ֔ים עַד־מְלֹ֖ךְ מַלְכ֥וּת פָּרָֽס׃
֍ ֍ ֍
(יד) גַּם כָּל שָׂרֵי הַכֹּהֲנִים וְהָעָם שבאותו זמן הִרְבּוּ לִמְעָל מַעַל, כְּכֹל תֹּעֲבוֹתהַגּוֹיִם, וַיְטַמְּאוּ אֶת בֵּית ה' אֲשֶׁר הִקְדִּישׁ בִּירוּשָׁלִָם.
(טו) וַיִּשְׁלַח ה' אֱלֹהֵי אֲבוֹתֵיהֶם עֲלֵיהֶם בְּיַד מַלְאָכָיו, הַשְׁכֵּם וְשָׁלוֹחַ – שלחם בזריזות בכל יום ויום, כִּי חָמַל עַל עַמּוֹ וְעַל מְעוֹנוֹ.
(טז) וַיִּהְיוּ מַלְעִבִים [-מלעיגים] בְּמַלְאֲכֵי הָאֱלֹהִים, וּבוֹזִים דְּבָרָיו, וּמִתַּעְתְּעִים [-לועגים] בִּנְבִאָיו, עַד עֲלוֹת חֲמַת ה' בְּעַמּוֹ, עַד לְאֵין מַרְפֵּא.
(יז) וַיַּעַל עֲלֵיהֶם ה' אֶת מֶלֶךְ כַּשְׂדִּים, וַיַּהֲרֹג את בַּחוּרֵיהֶם בַּחֶרֶב בְּבֵיתמִקְדָּשָׁם, וְלֹא חָמַל עַל בָּחוּר וּבְתוּלָה, זָקֵן וְיָשֵׁשׁ, שלא כדרך אנשי המלחמה, שכאשר הם מנצחים בקרב הורגים הם רק את הצעירים, וחומלים על הנשים והזקנים, הַכֹּל נָתַן בְּיָדוֹ.
(יח) וְכֹל כְּלֵי בֵּית הָאֱלֹהִים, הַגְּדֹלִים וְהַקְּטַנִּים, וְאֹצְרוֹת בֵּית ה', וְאֹצְרוֹת הַמֶּלֶךְוְשָׂרָיו, הַכֹּל הֵבִיא אל בָבֶל.
(יט) וַיִּשְׂרְפוּ אֶת בֵּית הָאֱלֹהִים, וַיְנַתְּצוּ אֵת חוֹמַת יְרוּשָׁלִָם, וְכָל אַרְמְנוֹתֶיהָשָׂרְפוּ בָאֵשׁ, וְכָל כְּלֵי מַחֲמַדֶּיהָ שברו וקלקלו כדי לְהַשְׁחִית.
(כ) וַיֶּגֶל הַשְּׁאֵרִית מִן הַחֶרֶב – הגלה את אותם שנשארו מההריגה אֶל בָּבֶל,וַיִּהְיוּ לוֹ וּלְבָנָיו לַעֲבָדִים, עַד מְלֹךְ מַלְכוּת פָּרָס – עד שכבש מלך פרס את בבל.
