(יח) וַֽאֲבִישַׁ֞י אֲחִ֣י ׀ יוֹאָ֣ב בֶּן־צְרוּיָ֗ה ה֚וּא רֹ֣אשׁ הַשְּׁלֹשָׁ֔ה וְהוּא֙ עוֹרֵ֣ר אֶת־חֲנִית֔וֹ עַל־שְׁלֹ֥שׁ מֵא֖וֹת חָלָ֑ל וְלוֹ־שֵׁ֖ם בַּשְּׁלֹשָֽׁה׃ (יט) מִן־הַשְּׁלֹשָׁה֙ הֲכִ֣י נִכְבָּ֔ד וַיְהִ֥י לָהֶ֖ם לְשָׂ֑ר וְעַד־הַשְּׁלֹשָׁ֖ה לֹא־בָֽא׃ (כ) וּבְנָיָ֨הוּ בֶן־יְהֽוֹיָדָ֧ע בֶּן־אִֽישׁ־חַ֛יִל רַב־פְּעָלִ֖ים מִֽקַּבְצְאֵ֑ל ה֣וּא הִכָּ֗ה אֵ֣ת שְׁנֵ֤י אֲרִאֵל֙ מוֹאָ֔ב וְ֠הוּא יָרַ֞ד וְהִכָּ֧ה אֶֽת־הָאֲרִ֛י בְּת֥וֹךְ הַבֹּ֖אר בְּי֥וֹם הַשָּֽׁלֶג׃ (כא) וְהוּא־הִכָּה֩ אֶת־אִ֨ישׁ מִצְרִ֜י אִ֣ישׁ מַרְאֶ֗ה וּבְיַ֤ד הַמִּצְרִי֙ חֲנִ֔ית וַיֵּ֥רֶד אֵלָ֖יו בַּשָּׁ֑בֶט וַיִּגְזֹ֤ל אֶֽת־הַחֲנִית֙ מִיַּ֣ד הַמִּצְרִ֔י וַיַּֽהַרְגֵ֖הוּ בַּֽחֲנִיתֽוֹ׃ (כב) אֵ֣לֶּה עָשָׂ֔ה בְּנָיָ֖הוּ בֶּן־יְהֽוֹיָדָ֑ע וְלוֹ־שֵׁ֖ם בִּשְׁלֹשָׁ֥ה הַגִּבֹּרִֽים׃ (כג) מִן־הַשְּׁלֹשִׁ֣ים נִכְבָּ֔ד וְאֶל־הַשְּׁלֹשָׁ֖ה לֹא־בָ֑א וַיְשִׂמֵ֥הוּ דָוִ֖ד אֶל־מִשְׁמַעְתּֽוֹ׃ (כד) עֲשָׂהאֵ֥ל אֲחִֽי־יוֹאָ֖ב בַּשְּׁלֹשִׁ֑ים אֶלְחָנָ֥ן בֶּן־דֹּד֖וֹ בֵּ֥ית לָֽחֶם׃ (כה) שַׁמָּה֙ הַֽחֲרֹדִ֔י אֱלִיקָ֖א הַֽחֲרֹדִֽי׃ (כו) חֶ֚לֶץ הַפַּלְטִ֔י עִירָ֥א בֶן־עִקֵּ֖שׁ הַתְּקוֹעִֽי׃ (כז) אֲבִיעֶ֨זֶר֙ הָֽעַנְּתֹתִ֔י מְבֻנַּ֖י הַֽחֻשָׁתִֽי׃ (כח) צַלְמוֹן֙ הָֽאֲחֹחִ֔י מַהְרַ֖י הַנְּטֹֽפָתִֽי׃ (כט) חֵ֥לֶב בֶּֽן־בַּעֲנָ֖ה הַנְּטֹֽפָתִ֑י אִתַּי֙ בֶּן־רִיבַ֔י מִגִּבְעַ֖ת בְּנֵ֥י בִנְיָמִֽן׃ (ל) בְּנָיָ֨הוּ֙ פִּרְעָ֣תֹנִ֔י הִדַּ֖י מִנַּ֥חֲלֵי גָֽעַשׁ׃ (לא) אֲבִֽי־עַלְבוֹן֙ הָֽעַרְבָתִ֔י עַזְמָ֖וֶת הַבַּרְחֻמִֽי׃ (לב) אֶלְיַחְבָּא֙ הַשַּׁ֣עַלְבֹנִ֔י בְּנֵ֥י יָשֵׁ֖ן יְהֽוֹנָתָֽן׃ (לג) שַׁמָּה֙ הַֽהֲרָרִ֔י אֲחִיאָ֥ם בֶּן־שָׁרָ֖ר הָֽארָרִֽי׃ (לד) אֱלִיפֶ֥לֶט בֶּן־אֲחַסְבַּ֖י בֶּן־הַמַּֽעֲכָתִ֑י אֱלִיעָ֥ם בֶּן־אֲחִיתֹ֖פֶל הַגִּלֹנִֽי׃ (לה) חֶצְרַי֙ הַֽכַּרְמְלִ֔י פַּֽעֲרַ֖י הָֽאַרְבִּֽי׃ (לו) יִגְאָ֤ל בֶּן־נָתָן֙ מִצֹּבָ֔ה בָּנִ֖י הַגָּדִֽי׃ (לז) צֶ֖לֶק הָֽעַמֹּנִ֑י נַחְרַי֙ הַבְּאֵ֣רֹתִ֔י נֹשֵׂ֕א כְּלֵ֖י יוֹאָ֥ב בֶּן־צְרֻיָֽה׃ (לח) עִירָא֙ הַיִּתְרִ֔י גָּרֵ֖ב הַיִּתְרִֽי׃ (לט) אֽוּרִיָּה֙ הַֽחִתִּ֔י כֹּ֖ל שְׁלֹשִׁ֥ים וְשִׁבְעָֽה׃
֍ ֍ ֍
(יח) ואלה הם שלשת הגיבורים השניים, אשר עשו את מעשה הגבורה של הבאת המים מתוך מחנה האויב, וַאֲבִישַׁי אֲחִי יוֹאָב בֶּן צְרוּיָה הוּא רֹאשׁ הַשְּׁלֹשָׁה, וְהוּא עוֹרֵר אֶת חֲנִיתוֹ עַל שְׁלֹשׁ מֵאוֹת חָלָל, וְלוֹ שֵׁם בַּשְּׁלֹשָׁה – ומחמת גבורה זו היה לו שם טוב גם ביחס לשלשה הראשונים.
(יט) מִן הַשְּׁלֹשָׁה הֲכִי נִכְבָּד – אבישי היה הכי נכבד מבין השלשה השניים, וַיְהִי לָהֶם לְשָׂר, וְעַד הַשְּׁלֹשָׁה לֹא בָא – אך לא הגיעה לדרגתם וחשיבותם של השלשה הראשונים.
(כ) הגיבור השני מהשלשה השניים, וּבְנָיָהוּ בֶן יְהוֹיָדָע בֶּן אִישׁ חַיִל, רַב פְּעָלִים, מִקַּבְצְאֵל – מהעיר 'קבצאל' אשר בנחלת יהודה, והוא הראה שלש גבורות עצומות, הוּא הִכָּה אֵת שְׁנֵי אֲרִאֵל מוֹאָב – שני גיבורים של מואב, וְהוּא יָרַד וְהִכָּה אֶת הָאֲרִי בְּתוֹךְ הַבֹּאר בְּיוֹם הַשָּׁלֶג, הגם שבזמן זה של הקור והשלג האדם חלש והאריה חזק, והיה זה בתוך מאורתו של האריה, ואף על פי כן הכהו והרגו.
(כא) וְהוּא הִכָּה אֶת אִישׁ מִצְרִי, אִישׁ מַרְאֶה – בעל מראה משונה, וּבְיַד הַמִּצְרִי היתה חֲנִית, וַיֵּרֶד אֵלָיו בניהו בן יהוידע בַּשָּׁבֶט – עם מקל בלבד, וַיִּגְזֹל אֶת הַחֲנִית מִיַּד הַמִּצְרִי, וַיַּהַרְגֵהוּ בַּחֲנִיתוֹ.
(כב) אֵלֶּה עָשָׂה בְּנָיָהוּ בֶּן יְהוֹיָדָע, וְלוֹ שֵׁם בִּשְׁלֹשָׁה הַגִּבֹּרִים השניים.
(כג) מִן הַשְּׁלֹשִׁים נִכְבָּד – בניהו בן יהוידע היה נכבד יותר מכל השלשים גיבורים, מצד זה שהיה ראש הסנהדרין, אמנם וְאֶל הַשְּׁלֹשָׁה הגיבורים הראשונים לֹא בָא, וַיְשִׂמֵהוּ דָוִד פקיד וממונה אֶל אנשי מִשְׁמַעְתּוֹ.
(כד) והגיבור השלישי מבין השלשה השניים היה עֲשָׂהאֵל אֲחִי יוֹאָב, והוא לא היה כמו החמשה הראשונים שהיו תמיד עם המלך, אלא היה נחשב בַּשְּׁלֹשִׁים גיבורים. וממשיך ומונה עתה אחר ששת הגיבורים שהוזכרו, עוד שלשים ואחד גיבורים: ז. אֶלְחָנָן בֶּן דֹּדוֹ מהעיר בֵּית לָחֶם.
(כה) ח. שַׁמָּה הַחֲרֹדִי. ט. אֱלִיקָא הַחֲרֹדִי.
(כו) י. חֶלֶץ הַפַּלְטִי. יא. עִירָא בֶן עִקֵּשׁ הַתְּקוֹעִי.
(כז) יב. אֲבִיעֶזֶר הָעַנְּתֹתִי. יג. מְבֻנַּי הַחֻשָׁתִי.
(כח) יד. צַלְמוֹן הָאֲחֹחִי. טו. מַהְרַי הַנְּטֹפָתִי.
(כט) טז. חֵלֶב בֶּן בַּעֲנָה הַנְּטֹפָתִי. יז. אִתַּי בֶּן רִיבַי מִגִּבְעַת בְּנֵי בִנְיָמִן.
(ל) יח. בְּנָיָהוּ פִּרְעָתֹנִי. יט. הִדַּי מִנַּחֲלֵי גָעַשׁ.
(לא) כ. אֲבִי עַלְבוֹן הָעַרְבָתִי. כא. עַזְמָוֶת הַבַּרְחֻמִי.
(לב) כב. אֶלְיַחְבָּא הַשַּׁעַלְבֹנִי. כג. בְּנֵי יָשֵׁן יְהוֹנָתָן.
(לג) כד. שַׁמָּה הַהֲרָרִי. כה. אֲחִיאָם בֶּן שָׁרָר הָארָרִי.
(לד) כו. אֱלִיפֶלֶט בֶּן אֲחַסְבַּי. כז. בֶּן הַמַּעֲכָתִי. כח. אֱלִיעָם בֶּן אֲחִיתֹפֶל הַגִּלֹנִי.
(לה) כט. חֶצְרַי הַכַּרְמְלִי. ל. פַּעֲרַי הָאַרְבִּי. עד כאן נמנו שלשים הגיבורים הראשונים.
(לו) מכאן ואילך נמנים עוד שבעה גיבורים: לא. יִגְאָל בֶּן נָתָן מִצֹּבָה. לב. בָּנִי הַגָּדִי.
(לז) לג. צֶלֶק הָעַמֹּנִי. לד. נַחְרַי הַבְּאֵרֹתִי, נֹשֵׂא כְּלֵי יוֹאָב בֶּן צְרֻיָה.
(לח) לה. עִירָא הַיִּתְרִי. לו. גָּרֵב הַיִּתְרִי.
(לט) לז. אוּרִיָּה הַחִתִּי. כֹּל הגיבורים יחד, שְׁלֹשִׁים וְשִׁבְעָה.
