א וַיַּֽעַשׂ־ל֥וֹ בָתִּ֖ים בְּעִ֣יר דָּוִ֑יד וַיָּ֤כֶן מָקוֹם֙ לַֽאֲר֣וֹן הָֽאֱלֹהִ֔ים וַיֶּט־ל֖וֹ אֹֽהֶל׃ ב אָ֚ז אָמַ֣ר דָּוִ֔יד לֹ֤א לָשֵׂאת֙ אֶת־אֲר֣וֹן הָֽאֱלֹהִ֔ים כִּ֖י אִם־הַלְוִיִּ֑ם כִּי־בָ֣ם ׀ בָּחַ֣ר יְהוָ֗ה לָשֵׂ֞את אֶת־אֲר֧וֹן יְהוָ֛ה וּֽלְשָׁרְת֖וֹ עַד־עוֹלָֽם׃ ג וַיַּקְהֵ֥ל דָּוִ֛יד אֶת־כָּל־יִשְׂרָאֵ֖ל אֶל־יְרֽוּשָׁלִָ֑ם לְהַֽעֲלוֹת֙ אֶת־אֲר֣וֹן יְהוָ֔ה אֶל־מְקוֹמ֖וֹ אֲשֶׁר־הֵכִ֥ין לֽוֹ׃ ד וַיֶּֽאֱסֹ֥ף דָּוִ֛יד אֶת־בְּנֵ֥י אַֽהֲרֹ֖ן וְאֶת־הַלְוִיִּֽם׃ה לִבְנֵ֖י קְהָ֑ת אֽוּרִיאֵ֣ל הַשָּׂ֔ר וְאֶחָ֖יו מֵאָ֥ה וְעֶשְׂרִֽים׃ ו לִבְנֵ֖י מְרָרִ֑י עֲשָׂיָ֣ה הַשָּׂ֔ר וְאֶחָ֖יו מָאתַ֥יִם וְעֶשְׂרִֽים׃ ז לִבְנֵ֖י גֵּֽרְשׁ֑וֹם יוֹאֵ֣ל הַשָּׂ֔ר וְאֶחָ֖יו מֵאָ֥ה וּשְׁלֹשִֽׁים׃ ח לִבְנֵ֖י אֱלִֽיצָפָ֑ן שְׁמַֽעְיָ֥ה הַשָּׂ֖ר וְאֶחָ֥יו מָאתָֽיִם׃ ט לִבְנֵ֖י חֶבְר֑וֹן אֱלִיאֵ֥ל הַשָּׂ֖ר וְאֶחָ֥יו שְׁמוֹנִֽים׃ י לִבְנֵ֖י עֻזִּיאֵ֑ל עַמִּֽינָדָ֣ב הַשָּׂ֔ר וְאֶחָ֕יו מֵאָ֖ה וּשְׁנֵ֥ים עָשָֽׂר׃
֍ ֍ ֍
פרק טו (א) וַיַּעַשׂ לוֹ בָתִּים בְּעִיר דָּוִיד, וַיָּכֶן מָקוֹם בנוי מקירות של אבנים לַאֲרוֹן הָאֱלֹהִים, וַיֶּטלוֹ אֹהֶל מלמעלה.
(ב) אָז אָמַר דָּוִיד, לֹא לָשֵׂאת אֶת אֲרוֹן הָאֱלֹהִים כִּי אִם הַלְוִיִּם, ולא ישראלים, כִּי בָם בָּחַריְהֹוָה לָשֵׂאת אֶת אֲרוֹן יְהֹוָה וּלְשָׁרְתוֹ עַד עוֹלָם, וכמו שנאמר (דברים י ח) 'בָּעֵת הַהִוא הִבְדִּיל ה' אֶת שֵׁבֶט הַלֵּוִי לָשֵׂאת אֶת אֲרוֹן בְּרִית ה' לַעֲמֹד לִפְנֵי ה' לְשָׁרְתוֹ וּלְבָרֵךְ בִּשְׁמוֹ עַד הַיּוֹם הַזֶּה' [ובתחילה סבר דוד שמצוה זו היתה רק בזמן שהיו ישראל במדבר, אך עכשיו ידע והורה שרק הלויים ישאו את ארון הברית, בכתפיהם].
(ג) וַיַּקְהֵל דָּוִיד אֶת כָּל יִשְׂרָאֵל אֶל יְרוּשָׁלִָם, לְהַעֲלוֹת אֶת אֲרוֹן יְהֹוָה אֶל מְקוֹמוֹ אֲשֶׁר הֵכִין לוֹ.
(ד) וַיֶּאֱסֹף דָּוִיד אֶת בְּנֵי אַהֲרֹן הכהנים, וְאֶת הַלְוִיִּם.
(ה) לִבְנֵי קְהָת, אוּרִיאֵל הַשָּׂר, וְאֶחָיו מֵאָה וְעֶשְׂרִים.
(ו) לִבְנֵי מְרָרִי, עֲשָׂיָה הַשָּׂר, וְאֶחָיו מָאתַיִם וְעֶשְׂרִים.
(ז) לִבְנֵי גֵּרְשׁוֹם, יוֹאֵל הַשָּׂר, וְאֶחָיו מֵאָה וּשְׁלֹשִׁים.
(ח) לִבְנֵי אֱלִיצָפָן, שְׁמַעְיָה הַשָּׂר, וְאֶחָיו מָאתָיִם.
(ט) לִבְנֵי חֶבְרוֹן, אֱלִיאֵל הַשָּׂר, וְאֶחָיו שְׁמוֹנִים.
(י) לִבְנֵי עֻזִּיאֵל, עַמִּינָדָב הַשָּׂר, וְאֶחָיו מֵאָה וּשְׁנֵים עָשָׂר.
