א וְלִבְנֵ֥י אַֽהֲרֹ֖ן מַחְלְקוֹתָ֑ם בְּנֵ֣י אַֽהֲרֹ֔ן נָדָב֙ וַֽאֲבִיה֔וּא אֶלְעָזָ֖ר וְאִֽיתָמָֽר׃ ב וַיָּ֨מָת נָדָ֤ב וַֽאֲבִיהוּא֙ לִפְנֵ֣י אֲבִיהֶ֔ם וּבָנִ֖ים לֹֽא־הָי֣וּ לָהֶ֑ם וַֽיְכַהֲנ֔וּ אֶלְעָזָ֖ר וְאִֽיתָמָֽר׃ ג וַיֶּֽחָלְקֵ֣ם דָּוִ֔יד וְצָדוֹק֙ מִן־בְּנֵ֣י אֶלְעָזָ֔ר וַֽאֲחִימֶ֖לֶךְ מִן־בְּנֵ֣י אִֽיתָמָ֑ר לִפְקֻדָּתָ֖ם בַּעֲבֹֽדָתָֽם׃ ד וַיִּמָּֽצְא֣וּ בְֽנֵי־אֶלְעָזָ֡ר רַבִּ֞ים לְרָאשֵׁ֧י הַגְּבָרִ֛ים מִן־בְּנֵ֥י אִֽיתָמָ֖ר וַֽיַּחְלְק֑וּם לִבְנֵ֨י אֶלְעָזָ֜ר רָאשִׁ֤ים לְבֵית־אָבוֹת֙ שִׁשָּׁ֣ה עָשָׂ֔ר וְלִבְנֵ֧י אִֽיתָמָ֛ר לְבֵ֥ית אֲבוֹתָ֖ם שְׁמוֹנָֽה׃ ה וַיַּחְלְק֥וּם בְּגֽוֹרָל֖וֹת אֵ֣לֶּה עִם־אֵ֑לֶּה כִּֽי־הָי֤וּ שָֽׂרֵי־קֹ֨דֶשׁ֙ וְשָׂרֵ֣י הָֽאֱלֹהִ֔ים מִבְּנֵ֥י אֶלְעָזָ֖ר וּבִבְנֵ֥י אִֽיתָמָֽר׃ ו וַֽיִּכְתְּבֵ֡ם שְֽׁמַעְיָה֩ בֶן־נְתַנְאֵ֨ל הַסּוֹפֵ֜ר מִן־הַלֵּוִ֗י לִפְנֵ֨י הַמֶּ֤לֶךְ וְהַשָּׂרִים֙ וְצָד֣וֹק הַכֹּהֵ֗ן וַֽאֲחִימֶ֨לֶךְ֙ בֶּן־אֶבְיָתָ֔ר וְרָאשֵׁי֙ הָֽאָב֔וֹת לַכֹּֽהֲנִ֖ים וְלַלְוִיִּ֑ם בֵּֽית־אָ֣ב אֶחָ֗ד אָחֻז֙ לְאֶלְעָזָ֔ר וְאָחֻ֥ז ׀ אָחֻ֖ז לְאִֽיתָמָֽר׃
֍ ֍ ֍
פרק כד
(א) מפרט עתה הכתוב את סדר משמרות הכהנים, וְלִבְנֵי אַהֲרֹן, מַחְלְקוֹתָם, בְּנֵי אַהֲרֹן, נָדָב, וַאֲבִיהוּא, אֶלְעָזָר, וְאִיתָמָר.
(ב) וַיָּמָת נָדָב וַאֲבִיהוּא לִפְנֵי [-בחיי] אֲבִיהֶם, וּבָנִים לֹא הָיוּ לָהֶם, וַיְכַהֲנוּ [-ונשארו הכהנים] אֶלְעָזָר וְאִיתָמָר.
(ג) וַיֶּחָלְקֵם דָּוִיד, וְצָדוֹק מִן בְּנֵי אֶלְעָזָר, וַאֲחִימֶלֶךְ [בן אביתר] מִן בְּנֵי אִיתָמָר, לִפְקֻדָּתָם בַּעֲבֹדָתָם.
(ד) ואמנם בתחילה היו שמונה משמרות מאלעזר ושמונה משמרות מאיתמר, וַיִּמָּצְאוּ בְנֵי אֶלְעָזָר רַבִּים לְרָאשֵׁי הַגְּבָרִים מִן בְּנֵי אִיתָמָר, וַיַּחְלְקוּם באופן שונה, לִבְנֵי אֶלְעָזָר רָאשִׁים לְבֵית אָבוֹת שִׁשָּׁה עָשָׂר, כפול מכפי שהיו בתחילה, וְלִבְנֵי אִיתָמָר לְבֵית אֲבוֹתָם שְׁמוֹנָה, כפי שהיו קודם לכן.
(ה) וַיַּחְלְקוּם בְּגוֹרָלוֹת אֵלֶּה עִם אֵלֶּה, מי יהיה ראשון ומי שני וכן הלאה, כִּי הָיוּ שָׂרֵי קֹדֶשׁ וְשָׂרֵי הָאֱלֹהִים מִבְּנֵי אֶלְעָזָר וּבִבְנֵי אִיתָמָר, כלומר, כיון שהיו כולם חשובים ושוים במעלתם, לא היה יכול לסדרם לפי חשיבותם, והוצרך לסדרם על פי גורל.
(ו) וַיִּכְתְּבֵם – כתב את סדר המשמרות לזכרון שְׁמַעְיָה בֶן נְתַנְאֵל הַסּוֹפֵר מִן הַלֵּוִי, לִפְנֵי הַמֶּלֶךְ וְהַשָּׂרִים, וְצָדוֹק הַכֹּהֵן, וַאֲחִימֶלֶךְ בֶּן אֶבְיָתָר, וְרָאשֵׁי הָאָבוֹת לַכֹּהֲנִים וְלַלְוִיִּם, והגורל היה באופן שבֵּית אָב אֶחָד אָחֻז לְאֶלְעָזָר, וְאָחֻז אָחֻז – ובית אב שכבר היה אחוז מתחילה, אחוז לְאִיתָמָר [כיון שאצל אלעזר היו בתי אב חדשים, מכנה אותם הכתוב 'אחוז', שנאחזו עתה להיות משמרות כהונה, ואילו אצל איתמר, שהיו בתי אב ישנים בלבד, אמר הכתוב 'אחוז אחוז', כלומר, אחוז שכבר היה אחוז קודם לכן], וסידרו את המשמרות אחת לאלעזר ואחת לאיתמר, עד המשמרת הששה עשר, ומשם והלאה היו כולם לאלעזר.
