כ וְלִבְנֵ֥י לֵוִ֖י הַנּֽוֹתָרִ֑ים לִבְנֵ֤י עַמְרָם֙ שֽׁוּבָאֵ֔ל לִבְנֵ֥י שֽׁוּבָאֵ֖ל יֶחְדְּיָֽהוּ׃ כא לִרְחַבְיָ֑הוּ לִבְנֵ֣י רְחַבְיָ֔הוּ הָרֹ֖אשׁ יִשִּׁיָּֽה׃ כב לַיִּצְהָרִ֣י שְׁלֹמ֔וֹת לִבְנֵ֥י שְׁלֹמ֖וֹת יָֽחַת׃ כג וּבְנָ֖י יְרִיָּ֑הוּ אֲמַרְיָ֨הוּ֙ הַשֵּׁנִ֔י יַֽחֲזִיאֵל֙ הַשְּׁלִישִׁ֔י יְקַמְעָ֖ם הָֽרְבִיעִֽי׃ כד בְּנֵ֤י עֻזִּיאֵל֙ מִיכָ֔ה לִבְנֵ֥י מִיכָ֖ה שָׁמִֽיר׃ כה אֲחִ֤י מִיכָה֙ יִשִּׁיָּ֔ה לִבְנֵ֥י יִשִּׁיָּ֖ה זְכַרְיָֽהוּ׃ כו בְּנֵ֤י מְרָרִי֙ מַחְלִ֣י וּמוּשִׁ֔י בְּנֵ֖י יַֽעֲזִיָּ֥הוּ בְנֽוֹ׃ כז בְּנֵ֖י מְרָרִ֑י לְיַֽעֲזִיָּ֣הוּ בְנ֔וֹ וְשֹׁ֥הַם וְזַכּ֖וּר וְעִבְרִֽי׃ כח לְמַחְלִי֙ אֶלְעָזָ֔ר וְלֹא־הָ֥יָה ל֖וֹ בָּנִֽים׃ כט לְקִ֖ישׁ בְּנֵי־קִ֥ישׁ יְרַחְמְאֵֽל׃ ל וּבְנֵ֣י מוּשִׁ֔י מַחְלִ֥י וְעֵ֖דֶר וִֽירִימ֑וֹת אֵ֛לֶּה בְּנֵ֥י הַלְוִיִּ֖ם לְבֵ֥ית אֲבֹֽתֵיהֶֽם׃ לא וַיַּפִּילוּ֩ גַם־הֵ֨ם גּֽוֹרָל֜וֹת לְעֻמַּ֣ת ׀ אֲחֵיהֶ֣ם בְּנֵֽי־אַהֲרֹ֗ן לִפְנֵ֨י דָוִ֤יד הַמֶּ֨לֶךְ֙ וְצָד֣וֹק וַֽאֲחִימֶ֔לֶךְ וְרָאשֵׁי֙ הָֽאָב֔וֹת לַכֹּֽהֲנִ֖ים וְלַלְוִיִּ֑ם אָב֣וֹת הָרֹ֔אשׁ לְעֻמַּ֖ת אָחִ֥יו הַקָּטָֽן׃
֍ ֍ ֍
(כ) וְלִבְנֵי לֵוִי הַנּוֹתָרִים, מלבד אותם שפורטו למעלה [וגם אותם שהובאו שם נישנו כאן שוב, כיון שהשתנו שמותיהם], לִבְנֵי עַמְרָם, שהיו נקראים על שם שׁוּבָאֵל, לִבְנֵי שׁוּבָאֵל, יֶחְדְּיָהוּ, ונקראו מעתה על שמו.
(כא) לִרְחַבְיָהוּ, לִבְנֵי רְחַבְיָהוּ, הָרֹאשׁ יִשִּׁיָּה, ונקראו מעתה על שמו.
(כב) לַיִּצְהָרִי, שהיו נקראים על שם שְׁלֹמוֹת, לִבְנֵי שְׁלֹמוֹת יָחַת, ונקראו על שמו.
(כג) וּבְנָי יְרִיָּהוּ, שהיו בית אב בפני עצמם, והיו נקראים על שם יריהו, אֲמַרְיָהוּ הַשֵּׁנִי, ונעשו בית אב אחד יחד עמו, והיו כולם קרואים על שם אמריהו, יַחֲזִיאֵל הַשְּׁלִישִׁי, יְקַמְעָם הָרְבִיעִי, ושמות שניהם נשארו כמו שהיו.
(כד) בְּנֵי עֻזִּיאֵל, מִיכָה, לִבְנֵי מִיכָה שָׁמִיר.
(כה) אֲחִי מִיכָה, שהיתה משמרתו קרואה על שם יִשִּׁיָּה, לִבְנֵי יִשִּׁיָּה זְכַרְיָהוּ, ונקראו על שמו.
(כו) בְּנֵי מְרָרִי, שהיו מתחילה בתי אבות רק למַחְלִי וּמוּשִׁי, נתווספו עתה, בְּנֵי יַעֲזִיָּהוּ בְנוֹ של מררי.
(כז) בְּנֵי מְרָרִי, אלו בתי אבותם, לְיַעֲזִיָּהוּ בְנוֹ היו בתים אלו, וְשֹׁהַם וְזַכּוּר וְעִבְרִי.
(כח) לְמַחְלִי, אֶלְעָזָר, וְלֹא הָיָה לוֹ בָּנִים, ולכן לא נעשה לבית אב.
(כט) לְקִישׁ, בְּנֵי קִישׁ יְרַחְמְאֵל, והיו קרואים על שמו.
(ל) וּבְנֵי מוּשִׁי, לא השתנו שמות משמרותיהם, מַחְלִי, וְעֵדֶר, וִירִימוֹת, אֵלֶּה בְּנֵי הַלְוִיִּם לְבֵית אֲבֹתֵיהֶם.
