יד וַיִּגַּ֨שׁ יוֹאָ֜ב וְהָעָ֧ם אֲשֶׁר־עִמּ֛וֹ לִפְנֵ֥י אֲרָ֖ם לַמִּלְחָמָ֑ה וַיָּנ֖וּסוּ מִפָּנָֽיו׃ טו וּבְנֵ֨י עַמּ֤וֹן רָאוּ֙ כִּי־נָ֣ס אֲרָ֔ם וַיָּנ֣וּסוּ גַם־הֵ֗ם מִפְּנֵי֙ אַבְשַׁ֣י אָחִ֔יו וַיָּבֹ֖אוּ הָעִ֑ירָה וַיָּבֹ֥א יוֹאָ֖ב יְרֽוּשָׁלִָֽם׃ טזוַיַּ֣רְא אֲרָ֗ם כִּ֣י נִגְּפוּ֮ לִפְנֵ֣י יִשְׂרָאֵל֒ וַֽיִּשְׁלְחוּ֙ מַלְאָכִ֔ים וַיּוֹצִ֣יאוּ אֶת־אֲרָ֔ם אֲשֶׁ֖ר מֵעֵ֣בֶר הַנָּהָ֑ר וְשׁוֹפַ֛ךְ שַׂר־צְבָ֥א הֲדַדְעֶ֖זֶר לִפְנֵיהֶֽם׃ יז וַיֻּגַּ֣ד לְדָוִ֗יד וַיֶּֽאֱסֹ֤ף אֶת־כָּל־יִשְׂרָאֵל֙ וַיַּֽעֲבֹ֣ר הַיַּרְדֵּ֔ן וַיָּבֹ֣א אֲלֵהֶ֔ם וַֽיַּעֲרֹ֖ךְ אֲלֵהֶ֑ם וַיַּֽעֲרֹ֨ךְ דָּוִ֜יד לִקְרַ֤את אֲרָם֙ מִלְחָמָ֔ה וַיִּֽלָּחֲמ֖וּ עִמּֽוֹ׃ יח וַיָּ֣נָס אֲרָם֮ מִלִּפְנֵ֣י יִשְׂרָאֵל֒ וַיַּֽהֲרֹ֨ג דָּוִ֜יד מֵֽאֲרָ֗ם שִׁבְעַ֤ת אֲלָפִים֙ רֶ֔כֶב וְאַרְבָּעִ֥ים אֶ֖לֶף אִ֣ישׁ רַגְלִ֑י וְאֵ֛ת שׁוֹפַ֥ךְ שַֽׂר־הַצָּבָ֖א הֵמִֽית׃ יט וַיִּרְא֞וּ עַבְדֵ֣י הֲדַדְעֶ֗זֶר כִּ֤י נִגְּפוּ֙ לִפְנֵ֣י יִשְׂרָאֵ֔ל וַיַּשְׁלִ֥ימוּ עִם־דָּוִ֖יד וַיַּֽעַבְדֻ֑הוּ וְלֹֽא־אָבָ֣ה אֲרָ֔ם לְהוֹשִׁ֥יעַ אֶת־בְּנֵֽי־עַמּ֖וֹן עֽוֹד׃
֍ ֍ ֍
(יד) וַיִּגַּשׁ יוֹאָב וְהָעָם אֲשֶׁר עִמּוֹ לִפְנֵי אֲרָם לַמִּלְחָמָה, וַיָּנוּסוּ ארם מִפָּנָיו.
(טו) וגם אבישי לא הוצרך כלל ללכת ולהלחם עם בני עמון, אלא וּבְנֵי עַמּוֹן רָאוּ כִּי נָסאֲרָם, וַיָּנוּסוּ גַם הֵם מִפְּנֵי אַבְשַׁי אָחִיו, וַיָּבֹאוּ הָעִירָה, וַיָּבֹא יוֹאָב יְרוּשָׁלִָם.
(טז) וַיַּרְא אֲרָם כִּי נִגְּפוּ לִפְנֵי יִשְׂרָאֵל, ועדיין חשבו שכשיהיו מרובים יוכלו לנצח את ישראל, וַיִּשְׁלְחוּ מַלְאָכִים וַיּוֹצִיאוּ אֶת אֲרָם אֲשֶׁר מֵעֵבֶר הַנָּהָר, וְשׁוֹפַךְ שַׂר צְבָא הֲדַדְעֶזֶרלִפְנֵיהֶם.
(יז) וַיֻּגַּד הדבר לְדָוִיד, וַיֶּאֱסֹף אֶת כָּל יִשְׂרָאֵל, וַיַּעֲבֹר הַיַּרְדֵּן וַיָּבֹא אֲלֵהֶם, וַיַּעֲרֹךְ אֲלֵהֶם, וַיַּעֲרֹךְדָּוִיד לִקְרַאת אֲרָם מִלְחָמָה, וַיִּלָּחֲמוּ עִמּוֹ.
(יח) וַיָּנָס אֲרָם מִלִּפְנֵי יִשְׂרָאֵל, וַיַּהֲרֹג דָּוִיד מֵאֲרָם שִׁבְעַת אֲלָפִים רֶכֶב, וְאַרְבָּעִים אֶלֶף אִישׁרַגְלִי, וְאֵת שׁוֹפַךְ שַׂר הַצָּבָא של הדדעזר הֵמִית.
(יט) וַיִּרְאוּ עַבְדֵי הֲדַדְעֶזֶר כִּי נִגְּפוּ לִפְנֵי יִשְׂרָאֵל, וַיַּשְׁלִימוּ עִם דָּוִיד, וַיַּעַבְדֻהוּ, וְלֹא אָבָה אֲרָםלְהוֹשִׁיעַ אֶת בְּנֵי עַמּוֹן עוֹד.
