כט לַיִּצְהָרִ֞י כְּנַנְיָ֣הוּ וּבָנָ֗יו לַמְּלָאכָ֤ה הַחִֽיצוֹנָה֙ עַל־יִשְׂרָאֵ֔ל לְשֹֽׁטְרִ֖ים וּלְשֹֽׁפְטִֽים׃ ל לַֽחֶבְרוֹנִ֡י חֲשַׁבְיָהוּ֩ וְאֶחָ֨יו בְּנֵי־חַ֜יִל אֶ֣לֶף וּשְׁבַע־מֵא֗וֹת עַ֚ל פְּקֻדַּ֣ת יִשְׂרָאֵ֔ל מֵעֵ֥בֶר לַיַּרְדֵּ֖ן מַעְרָ֑בָה לְכֹל֙ מְלֶ֣אכֶת יְהוָ֔ה וְלַֽעֲבֹדַ֖ת הַמֶּֽלֶךְ׃ לא לַֽחֶבְרוֹנִי֙ יְרִיָּ֣ה הָרֹ֔אשׁ לַֽחֶבְרוֹנִ֥י לְתֹֽלְדֹתָ֖יו לְאָב֑וֹת בִּשְׁנַ֨ת הָֽאַרְבָּעִ֜ים לְמַלְכ֤וּת דָּוִיד֙ נִדְרָ֔שׁוּ וַיִּמָּצֵ֥א בָהֶ֛ם גִּבּ֥וֹרֵי חַ֖יִל בְּיַעְזֵ֥יר גִּלְעָֽד׃ לב וְאֶחָ֣יו בְּנֵי־חַ֗יִל אַלְפַּ֛יִם וּשְׁבַ֥ע מֵא֖וֹת רָאשֵׁ֣י הָֽאָב֑וֹת וַֽיַּפְקִידֵ֞ם דָּוִ֣יד הַמֶּ֗לֶךְ עַל־הָרֽאוּבֵנִ֤י וְהַגָּדִי֙ וַֽחֲצִי֙ שֵׁ֣בֶט הַֽמְנַשִּׁ֔י לְכָל־דְּבַ֥ר הָֽאֱלֹהִ֖ים וּדְבַ֥ר הַמֶּֽלֶךְ׃
֍ ֍ ֍
(כט) לַיִּצְהָרִי, היו ממונים על עניני המקדש כְּנַנְיָהוּ וּבָנָיו, והיו ממונים לַמְּלָאכָה הַחִיצוֹנָה עַל יִשְׂרָאֵל, לטפל בשדות וביערות של הקדש, והיו מהם ממונים לְשֹׁטְרִים וּלְשֹׁפְטִים.
(ל) לַחֶבְרוֹנִי, היו ממונים חֲשַׁבְיָהוּ וְאֶחָיו, בְּנֵי חַיִל אֶלֶף וּשְׁבַע מֵאוֹת, והיו ממונים עַל פְּקֻדַּת יִשְׂרָאֵל מֵעֵבֶר לַיַּרְדֵּן מַעְרָבָה, לְכֹל מְלֶאכֶת יְהֹוָה, וְלַעֲבֹדַת הַמֶּלֶךְ.
(לא) לַחֶבְרוֹנִי, יְרִיָּה הָרֹאשׁ לַחֶבְרוֹנִי לְתֹלְדֹתָיו לְאָבוֹת, בִּשְׁנַת הָאַרְבָּעִים לְמַלְכוּת דָּוִיד נִדְרָשׁוּ, וַיִּמָּצֵא בָהֶם גִּבּוֹרֵי חַיִל מעבר לירדן, בְּיַעְזֵיר גִּלְעָד.
(לב) וְאֶחָיו בְּנֵי חַיִל אַלְפַּיִם וּשְׁבַע מֵאוֹת רָאשֵׁי הָאָבוֹת, וַיַּפְקִידֵם דָּוִיד הַמֶּלֶךְ עַל הָראוּבֵנִי וְהַגָּדִי וַחֲצִי שֵׁבֶט הַמְנַשִּׁי שמעבר לירדן מזרחה, לְכָל דְּבַר הָאֱלֹהִים, וּדְבַר הַמֶּלֶךְ.
