כט וַיִּשְׁלַ֖ח הַמֶּ֑לֶךְ וַיֶּֽאֱסֹ֕ף אֶת־כָּל־זִקְנֵ֥י יְהוּדָ֖ה וִירֽוּשָׁלִָֽם׃ ל וַיַּ֣עַל הַמֶּ֣לֶךְ בֵּית־יְ֠הוָה וְכָל־אִ֨ישׁ יְהוּדָ֜ה וְיֹֽשְׁבֵ֣י יְרֽוּשָׁלִַ֗ם וְהַכֹּֽהֲנִים֙ וְהַלְוִיִּ֔ם וְכָל־הָעָ֖ם מִגָּד֣וֹל וְעַד־קָטָ֑ן וַיִּקְרָ֣א בְאָזְנֵיהֶ֗ם אֶת־כָּל־דִּבְרֵי֙ סֵ֣פֶר הַבְּרִ֔ית הַנִּמְצָ֖א בֵּ֥ית יְהוָֽה׃ לא וַיַּֽעֲמֹ֨ד הַמֶּ֜לֶךְ עַל־עָמְד֗וֹ וַיִּכְרֹ֣ת אֶֽת־הַבְּרִית֮ לִפְנֵ֣י יְהוָה֒ לָלֶ֜כֶת אַֽחֲרֵ֣י יְהוָ֗ה וְלִשְׁמ֤וֹר אֶת־מִצְוֹתָיו֙ וְעֵֽדְוֹתָ֣יו וְחֻקָּ֔יו בְּכָל־לְבָב֖וֹ וּבְכָל־נַפְשׁ֑וֹ לַֽעֲשׂוֹת֙ אֶת־דִּבְרֵ֣י הַבְּרִ֔ית הַכְּתוּבִ֖ים עַל־הַסֵּ֥פֶר הַזֶּֽה׃ לבוַיַּֽעֲמֵ֕ד אֵ֛ת כָּל־הַנִּמְצָ֥א בִירֽוּשָׁלִַ֖ם וּבִנְיָמִ֑ן וַֽיַּעֲשׂוּ֙ יֽוֹשְׁבֵ֣י יְרֽוּשָׁלִַ֔ם כִּבְרִ֥ית אֱלֹהִ֖ים אֱלֹהֵ֥י אֲבֽוֹתֵיהֶֽם׃ לג וַיָּ֨סַר יֹֽאשִׁיָּ֜הוּ אֶת־כָּל־הַתֹּֽעֵב֗וֹת מִֽכָּל־הָאֲרָצוֹת֮ אֲשֶׁ֣ר לִבְנֵ֣י יִשְׂרָאֵל֒ וַֽיַּעֲבֵ֗ד אֵ֤ת כָּל־הַנִּמְצָא֙ בְּיִשְׂרָאֵ֔ל לַֽעֲב֖וֹד אֶת־יְהוָ֣ה אֱלֹֽהֵיהֶ֑ם כָּל־יָמָ֕יו לֹ֣א סָ֔רוּ מֵֽאַחֲרֵ֕י יְהוָ֖ה אֱלֹהֵ֥י אֲבֽוֹתֵיהֶֽם׃
֍ ֍ ֍
(כט) וַיִּשְׁלַח יאשיהו הַמֶּלֶךְ, וַיֶּאֱסֹף אֶת כָּל זִקְנֵי יְהוּדָה וִירוּשָׁלִָם.
(ל) וַיַּעַל הַמֶּלֶךְ בֵּית ה', וְכָל אִישׁ יְהוּדָה וְיֹשְׁבֵי יְרוּשָׁלִַם, וְהַכֹּהֲנִים וְהַלְוִיִּם, וְכָלהָעָם מִגָּדוֹל וְעַד קָטָן, וַיִּקְרָא בְאָזְנֵיהֶם אֶת כָּל דִּבְרֵי סֵפֶר הַבְּרִית – פרשת התוכחה שבספר התורה הַנִּמְצָא בֵּית ה'.
(לא) וַיַּעֲמֹד הַמֶּלֶךְ עַל עָמְדוֹ, וַיִּכְרֹת אֶת הַבְּרִית לִפְנֵי ה', לָלֶכֶת אַחֲרֵי ה',וְלִשְׁמוֹר אֶת מִצְוֹתָיו וְעֵדְוֹתָיו וְחֻקָּיו, בְּכָל לְבָבוֹ וּבְכָל נַפְשׁוֹ, לַעֲשׂוֹת אֶת דִּבְרֵיהַבְּרִית [-דברי התורה הנתונים בברית] הַכְּתוּבִים עַל הַסֵּפֶר הַזֶּה.
(לב) וַיַּעֲמֵד בברית אֵת כָּל העם הַנִּמְצָא בִירוּשָׁלִַם וּבִנְיָמִן, וַיַּעֲשׂוּ יוֹשְׁבֵי יְרוּשָׁלִַםכִּבְרִית אֱלֹהִים אֱלֹהֵי אֲבוֹתֵיהֶם.
(לג) וַיָּסַר יֹאשִׁיָּהוּ אֶת כָּל הַתֹּעֵבוֹת, מִכָּל הָאֲרָצוֹת, אֲשֶׁר לִבְנֵי יִשְׂרָאֵל, וַיַּעֲבֵדאֵת כָּל הַנִּמְצָא בְּיִשְׂרָאֵל לַעֲבוֹד אֶת ה' אֱלֹהֵיהֶם, כָּל יָמָיו של יאשיהו לֹא סָרוּהעם מֵאַחֲרֵי ה' אֱלֹהֵי אֲבוֹתֵיהֶם.
