(ז) וַיִּשְׁמְע֣וּ פְלִשְׁתִּ֗ים כִּֽי־הִתְקַבְּצ֤וּ בְנֵֽי־יִשְׂרָאֵל֙ הַמִּצְפָּ֔תָה וַיַּֽעֲל֥וּ סַרְנֵֽי־פְלִשְׁתִּ֖ים אֶל־יִשְׂרָאֵ֑ל וַֽיִּשְׁמְעוּ֙ בְּנֵ֣י יִשְׂרָאֵ֔ל וַיִּֽרְא֖וּ מִפְּנֵ֥י פְלִשְׁתִּֽים׃ (ח) וַיֹּֽאמְר֤וּ בְנֵֽי־יִשְׂרָאֵל֙ אֶל־שְׁמוּאֵ֔ל אַל־תַּֽחֲרֵ֣שׁ מִמֶּ֔נּוּ מִזְּעֹ֖ק אֶל־ה֣' אֱלֹהֵ֑ינוּ וְיֹֽשִׁעֵ֖נוּ מִיַּ֥ד פְּלִשְׁתִּֽים׃ (ט) וַיִּקַּ֣ח שְׁמוּאֵ֗ל טְלֵ֤ה חָלָב֙ אֶחָ֔ד וַיַּֽעֲלֵ֧הוּ עוֹלָ֛ה כָּלִ֖יל לַֽה֑' וַיִּזְעַ֨ק שְׁמוּאֵ֤ל אֶל־ה֙' בְּעַ֣ד יִשְׂרָאֵ֔ל וַֽיַּעֲנֵ֖הוּ הֽ'׃ (י) וַיְהִ֤י שְׁמוּאֵל֙ מַֽעֲלֶ֣ה הָֽעוֹלָ֔ה וּפְלִשְׁתִּ֣ים נִגְּשׁ֔וּ לַמִּלְחָמָ֖ה בְּיִשְׂרָאֵ֑ל וַיַּרְעֵ֣ם ה֣' ׀ בְּקוֹל־גָּ֠דוֹל בַּיּ֨וֹם הַה֤וּא עַל־פְּלִשְׁתִּים֙ וַיְהֻמֵּ֔ם וַיִּנָּֽגְפ֖וּ לִפְנֵ֥י יִשְׂרָאֵֽל׃ (יא) וַיֵּ֨צְא֜וּ אַנְשֵׁ֤י יִשְׂרָאֵל֙ מִן־הַמִּצְפָּ֔ה וַֽיִּרְדְּפ֖וּ אֶת־פְּלִשְׁתִּ֑ים וַיַּכּ֕וּם עַד־מִתַּ֖חַת לְבֵ֥ית כָּֽר׃
֍ ֍ ֍
(ז) כיון שהיו ישראל באותה שעה מוכנים לקבל את ישועת ה', סיבב ה' שהפלישתים יעלו אליהם למלחמה כדי לתת אותם ביד ישראל, וַיִּשְׁמְעוּ פְלִשְׁתִּים כִּי הִתְקַבְּצוּ בְנֵי יִשְׂרָאֵל הַמִּצְפָּתָה, וחשבו שהתקבצו כדי למרוד בפלישתים ששלטו עליהם באותו זמן, וַיַּעֲלוּ סַרְנֵי [-שרי] פְלִשְׁתִּים אֶל יִשְׂרָאֵל, וַיִּשְׁמְעוּ זאת בְּנֵי יִשְׂרָאֵל, וַיִּרְאוּ [-ופחדו] מִפְּנֵי פְלִשְׁתִּים, כי לא ידעו שמאת ה' יצא הדבר, כדי שיפלו בידם.
(ח) וַיֹּאמְרוּ בְנֵי יִשְׂרָאֵל אֶל שְׁמוּאֵל, אף שעתה אנו בטוחים שה' ישמע תפילתך וננצח את הפלישתים, אַל תַּחֲרֵשׁ מִמֶּנּוּ מִזְּעֹק אֶל ה' אֱלֹהֵינוּ, וְיֹשִׁעֵנוּ לבדו מִיַּד פְּלִשְׁתִּים, כי מחמת הפחד איננו יכולים אפילו להילחם בהם, ולכן תתפלל לה' שיעשה את התשועה לבדו, ולא נצטרך לצאת לקרב כלל.
(ט) וַיִּקַּח שְׁמוּאֵל טְלֵה חָלָב [-טלה קטן שעדיין יונק חלב] אֶחָד, וַיַּעֲלֵהוּ עוֹלָה כָּלִיל לַה', וַיִּזְעַק שְׁמוּאֵל אֶל ה' בְּעַד יִשְׂרָאֵל, וַיַּעֲנֵהוּ ה'.
(י) וַיְהִי שְׁמוּאֵל מַעֲלֶה את קרבן הָעוֹלָה, וּפְלִשְׁתִּים נִגְּשׁוּ לַמִּלְחָמָה בְּיִשְׂרָאֵל, וַיַּרְעֵם ה' בְּקוֹל גָּדוֹל בַּיּוֹם הַהוּא עַל פְּלִשְׁתִּים, וַיְהֻמֵּם, וַיִּנָּגְפוּ מעצמם לִפְנֵי יִשְׂרָאֵל.
(יא) וַיֵּצְאוּ אַנְשֵׁי יִשְׂרָאֵל מִן הַמִּצְפָּה, ולא היו צריכים להלחם בפלישתים כלל, וַיִּרְדְּפוּ אֶת פְּלִשְׁתִּים וַיַּכּוּם ללא קרב, עַד מִתַּחַת לְבֵית כָּר.
