(מג) וַיֹּ֤אמֶר שָׁאוּל֙ אֶל־י֣וֹנָתָ֔ן הַגִּ֥ידָה לִּ֖י מֶ֣ה עָשִׂ֑יתָה וַיַּגֶּד־ל֣וֹ יֽוֹנָתָ֗ן וַיֹּאמֶר֩ טָעֹ֨ם טָעַ֜מְתִּי בִּקְצֵ֨ה הַמַּטֶּ֧ה אֲשֶׁר־בְּיָדִ֛י מְעַ֥ט דְּבַ֖שׁ הִנְנִ֥י אָמֽוּת׃ (מד) וַיֹּ֣אמֶר שָׁא֔וּל כֹּֽה־יַעֲשֶׂ֥ה אֱלֹהִ֖ים וְכֹ֣ה יוֹסִ֑ף כִּי־מ֥וֹת תָּמ֖וּת יֽוֹנָתָֽן׃ (מה) וַיֹּ֨אמֶר הָעָ֜ם אֶל־שָׁא֗וּל הֲֽיוֹנָתָ֤ן ׀ יָמוּת֙ אֲשֶׁ֣ר עָ֠שָׂה הַיְשׁוּעָ֨ה הַגְּדוֹלָ֣ה הַזֹּאת֮ בְּיִשְׂרָאֵל֒ חָלִ֗ילָה חַי־ה֙' אִם־יִפֹּ֞ל מִשַּֽׂעֲרַ֤ת רֹאשׁוֹ֙ אַ֔רְצָה כִּֽי־עִם־אֱלֹהִ֥ים עָשָׂ֖ה הַיּ֣וֹם הַזֶּ֑ה וַיִּפְדּ֥וּ הָעָ֛ם אֶת־יֽוֹנָתָ֖ן וְלֹא־מֵֽת׃ (מו) וַיַּ֣עַל שָׁא֔וּל מֵאַֽחֲרֵ֖י פְּלִשְׁתִּ֑ים וּפְלִשְׁתִּ֖ים הָֽלְכ֥וּ לִמְקוֹמָֽם׃
֍ ֍ ֍
(מג) וַיֹּאמֶר שָׁאוּל אֶל יוֹנָתָן, הַגִּידָה לִּי מֶה החטא אשר עָשִׂיתָה, שמחמת כן עלית בגורל, כמי שאשם בכך שאין ה' עונה לנו באורים ותומים. וַיַּגֶּד לוֹ יוֹנָתָן, וַיֹּאמֶר, טָעֹם טָעַמְתִּי בִּקְצֵה הַמַּטֶּה אֲשֶׁר בְּיָדִי מְעַט דְּבַשׁ, הִנְנִי אָמוּת [ואף שהיה יכול להצטדק בטעמים אשר אמר בתחילה לאנשים שהוכיחו אותו, מכל מקום כיון שראה שעלה בגורל, הבין שאכן חטא].
(מד) וַיֹּאמֶר שָׁאוּל בלשון שבועה, כֹּה יַעֲשֶׂה אֱלֹהִים וְכֹה יוֹסִף, כִּי מוֹת תָּמוּת יוֹנָתָן.
(מה) וַיֹּאמֶר הָעָם אֶל שָׁאוּל, הֲיוֹנָתָן יָמוּת – וכי ראוי להמית את יונתן, והרי יש שני טעמים לכך שלא ימות, א. גם אם חטא, הלא הוא אֲשֶׁר עָשָׂה הַיְשׁוּעָה הַגְּדוֹלָה הַזֹּאת בְּיִשְׂרָאֵל, ואם כן יש לעם למסור נפשם להצלתו, כפי שהוא מסר נפשו להצלתם. ב. חָלִילָה לומר שחטא כלל, חַי ה' אִם יִפֹּל מִשַּׂעֲרַת רֹאשׁוֹ אַרְצָה, כִּי הרי עִם אֱלֹהִים עָשָׂה הַיּוֹם הַזֶּה, ודבקה בו ההשגחה האלוקית, ואם כן לא יתכן שחטא במזיד, וכפי שהתבאר לעיל שרק טעם ולא אכל ממש, ועוד שהיה זה דבש ולא לחם, רק כיון שהקדוש ברוך הוא מדקדק עם חסידיו אפילו כחוט השערה, נחשב לו הדבר כעוון מועט, אך אין לחייבו מיתה על כך [ואף שלא ידע כלל שהשביע אביו את העם, מכל מקום לאחר שנודע לו הדבר היה ראוי לו להשתדל שיתיר אביו את הנדר, ובכך לא יהיה לו עוון כלל], וַיִּפְדּוּ הָעָם אֶת יוֹנָתָן, על ידי שהתירו לשאול את נדרו, וְלֹא מֵת.
(מו) אמנם, כיון שלא ענה ה' לשאול באורים ותומים, לא יצא לרדוף אחרי פלשתים, וַיַּעַל שָׁאוּל מֵאַחֲרֵי פְּלִשְׁתִּים, וּפְלִשְׁתִּים הָלְכוּ לִמְקוֹמָם.
