ח וְגַ֣ם בִּ֠ירֽוּשָׁלִַם הֶֽעֱמִ֨יד יְהֽוֹשָׁפָ֜ט מִן־הַלְוִיִּ֣ם וְהַכֹּֽהֲנִ֗ים וּמֵֽרָאשֵׁ֤י הָֽאָבוֹת֙ לְיִשְׂרָאֵ֔ל לְמִשְׁפַּ֥ט יְהוָ֖ה וְלָרִ֑יב וַיָּשֻׁ֖בוּ יְרֽוּשָׁלִָֽם׃ ט וַיְצַ֥ו עֲלֵיהֶ֖ם לֵאמֹ֑ר כֹּ֤ה תַֽעֲשׂוּן֙ בְּיִרְאַ֣ת יְהוָ֔ה בֶּֽאֱמוּנָ֖ה וּבְלֵבָ֥ב שָׁלֵֽם׃ י וְכָל־רִיב֩ אֲשֶׁר־יָב֨וֹא עֲלֵיכֶ֜ם מֵֽאֲחֵיכֶ֣ם ׀ הַיֹּֽשְׁבִ֣ים בְּעָֽרֵיהֶ֗ם בֵּֽין־דָּ֣ם ׀ לְדָם֮ בֵּין־תּוֹרָ֣ה לְמִצְוָה֮ לְחֻקִּ֣ים וּלְמִשְׁפָּטִים֒ וְהִזְהַרְתֶּ֣ם אֹתָ֔ם וְלֹ֤א יֶאְשְׁמוּ֙ לַֽיהוָ֔ה וְהָֽיָה־קֶ֥צֶף עֲלֵיכֶ֖ם וְעַל־אֲחֵיכֶ֑ם כֹּ֥ה תַֽעֲשׂ֖וּן וְלֹ֥א תֶאְשָֽׁמוּ׃ יא וְהִנֵּ֡ה אֲמַרְיָ֣הוּ כֹהֵן֩ הָרֹ֨אשׁ עֲלֵיכֶ֜ם לְכֹ֣ל דְּבַר־יְהוָ֗ה וּזְבַדְיָ֨הוּ בֶן־יִשְׁמָעֵ֜אל הַנָּגִ֤יד לְבֵית־יְהוּדָה֙ לְכֹ֣ל דְּבַר־הַמֶּ֔לֶךְ וְשֹֽׁטְרִ֥ים הַלְוִיִּ֖ם לִפְנֵיכֶ֑ם חִזְק֣וּ וַֽעֲשׂ֔וּ וִיהִ֥י יְהוָ֖ה עִם־הַטּֽוֹב׃
֍ ֍ ֍
(ח) וכפי שהעמיד יהושפט מלך יהודה סנהדרין קטנה בכל עיר ועיר, וְגַם בִּירוּשָׁלִַם הֶעֱמִיד יְהוֹשָׁפָט סנהדרין גדולה, של שבעים ואחד דיינים, שהיו בה מִן הַלְוִיִּם וְהַכֹּהֲנִים וּמֵרָאשֵׁי הָאָבוֹת לְיִשְׂרָאֵל, לְמִשְׁפַּט יְהֹוָה בהכרעת ההלכות במצוות שבין אדם למקום, וְלָרִיב – לשפוט בדברים שבין אדם לחבירו, ולאחר שבחר את הראויים לשבת בסנהדרין הגדולה מכל ערי ישראל, וַיָּשֻׁבוּ עימו ליְרוּשָׁלִָם, לשבת בלשכת הגזית.
(ט) וַיְצַו עֲלֵיהֶם לֵאמֹר, כֹּה תַעֲשׂוּן בְּיִרְאַת יְהֹוָה, שלא לעבור על מצוות לא תעשה, בֶּאֱמוּנָה בדברים המצריכים עיון והתבוננות, וּבְלֵבָב שָׁלֵם, שלא לשם פניות חיצוניות, אלא לעשות רצון ה'.
(י) וְכָל רִיב אֲשֶׁר יָבוֹא עֲלֵיכֶם [-אליכם] מֵאֲחֵיכֶם הַיֹּשְׁבִים בְּעָרֵיהֶם, בֵּין דָּם לְדָם, להכריע בדיני נגעים, בֵּין תּוֹרָה [-החלק העיוני] לְמִצְוָה [-החלק המעשי], לְחֻקִּים, וּלְמִשְׁפָּטִים, וְהִזְהַרְתֶּם אֹתָם לנהוג כפי ההלכה, וְלֹא יֶאְשְׁמוּ לַיהוָה, וְהָיָה קֶצֶף עֲלֵיכֶם וְעַל אֲחֵיכֶם. כֹּה תַעֲשׂוּן גם אתם בעצמכם, לשמור את כל מצוות התורה, וְלֹא תֶאְשָׁמוּ.
(יא) וְהִנֵּה אֲמַרְיָהוּ כֹהֵן הָרֹאשׁ עֲלֵיכֶם – הוא הממונה עליכם לְכֹל דְּבַר יְהֹוָה, וּזְבַדְיָהוּ בֶן יִשְׁמָעֵאל הַנָּגִיד לְבֵית יְהוּדָה, הוא יהיה ממונה עליכם לְכֹל דְּבַר הַמֶּלֶךְ – לדברים הנוגעים למלכות, וְשֹׁטְרִים הַלְוִיִּם לִפְנֵיכֶם, מזומנים לכל אשר תצוות אל העם, חִזְקוּ וַעֲשׂוּ, וִיהִי יְהֹוָה עִם הַטּוֹב – עם העושה את הטוב והישר.
