יא וַיֹּ֣אמֶר יְחִזְקִיָּ֗הוּ לְהָכִ֧ין לְשָׁכ֛וֹת בְּבֵ֥ית יְהוָ֖ה וַיָּכִֽינוּ׃ יב וַיָּבִ֨יאוּ אֶת־הַתְּרוּמָ֧ה וְהַֽמַּעֲשֵׂ֛ר וְהַקֳּדָשִׁ֖ים בֶּֽאֱמוּנָ֑ה וַֽעֲלֵיהֶ֤ם נָגִיד֙ כָּֽנַנְיָ֣הוּ הַלֵּוִ֔י וְשִׁמְעִ֥י אָחִ֖יהוּ מִשְׁנֶֽה׃ יג וִֽיחִיאֵ֡ל וַֽ֠עֲזַזְיָהוּ וְנַ֨חַת וַֽעֲשָׂהאֵ֜ל וִֽירִימ֤וֹת וְיֽוֹזָבָד֙ וֶֽאֱלִיאֵ֣ל וְיִסְמַכְיָ֔הוּ וּמַ֖חַת וּבְנָיָ֑הוּ פְּקִידִ֗ים מִיַּ֤ד כָּֽנַנְיָ֨הוּ֙ וְשִׁמְעִ֣י אָחִ֔יו בְּמִפְקַד֙ יְחִזְקִיָּ֣הוּ הַמֶּ֔לֶךְ וַֽעֲזַרְיָ֖הוּ נְגִ֥יד בֵּית־הָֽאֱלֹהִֽים׃ יד וְקוֹרֵ֨א בֶן־יִמְנָ֤ה הַלֵּוִי֙ הַשּׁוֹעֵ֣ר לַמִּזְרָ֔חָה עַ֖ל נִדְב֣וֹת הָֽאֱלֹהִ֑ים לָתֵת֙ תְּרוּמַ֣ת יְהוָ֔ה וְקָדְשֵׁ֖י הַקֳּדָשִֽׁים׃ טו וְעַל־יָד֡וֹ עֵ֣דֶן וּ֠מִנְיָמִן וְיֵשׁ֨וּעַ וּֽשְׁמַעְיָ֜הוּ אֲמַרְיָ֧הוּ וּשְׁכַנְיָ֛הוּ בְּעָרֵ֥י הַכֹּֽהֲנִ֖ים בֶּֽאֱמוּנָ֑ה לָתֵ֤ת לַֽאֲחֵיהֶם֙ בְּמַחְלְק֔וֹת כַּגָּד֖וֹל כַּקָּטָֽן׃
֍ ֍ ֍
(יא) וַיֹּאמֶר יְחִזְקִיָּהוּ לְהָכִין לְשָׁכוֹת בְּבֵית ה' לצורך כל התרומות והמעשרות,וַיָּכִינוּ.
(יב) וַיָּבִיאוּ אל הלשכות הללו אֶת הַתְּרוּמָה וְהַמַּעֲשֵׂר, וְהַקֳּדָשִׁים – מה שהקדישו מדברים שאין בהם חיוב תרומות ומעשרות מהתורה, בֶּאֱמוּנָה,וַעֲלֵיהֶם נָגִיד [-שר וממונה] כָּנַנְיָהוּ הַלֵּוִי, וְשִׁמְעִי אָחִיהוּ מִשְׁנֶה לו.
(יג) וִיחִיאֵל, וַעֲזַזְיָהוּ, וְנַחַת, וַעֲשָׂהאֵל, וִירִימוֹת, וְיוֹזָבָד, וֶאֱלִיאֵל, וְיִסְמַכְיָהוּ,וּמַחַת, וּבְנָיָהוּ, פְּקִידִים מִיַּד כָּנַנְיָהוּ וְשִׁמְעִי אָחִיו, בְּמִפְקַד [-בציווי] יְחִזְקִיָּהוּהַמֶּלֶךְ, וַעֲזַרְיָהוּ נְגִיד בֵּית הָאֱלֹהִים.
(יד) ואותם המנויים לעיל היו ממונים לקבל את התרומות והמעשרות והקדשים, וְקוֹרֵא בֶן יִמְנָה הַלֵּוִי הַשּׁוֹעֵר לַמִּזְרָחָה היה ממונה עַל נִדְבוֹתהָאֱלֹהִים, לָתֵת [-לחלק] את תְּרוּמַת ה' וְקָדְשֵׁי הַקֳּדָשִׁים בערי הכהנים והלויים.
(טו) וְעַל יָדוֹ – ותחתיו היו ממונים עֵדֶן, וּמִנְיָמִן, וְיֵשׁוּעַ, וּשְׁמַעְיָהוּ, אֲמַרְיָהוּ,וּשְׁכַנְיָהוּ, ממונים על חלוקת הקדשים בְּעָרֵי הַכֹּהֲנִים, לאותם שלא באו לירושלים אלא נשארו בעריהם, בֶּאֱמוּנָה, לָתֵת לַאֲחֵיהֶם בְּמַחְלְקוֹת כַּגָּדוֹלכַּקָּטָן, כי היתה החלוקה שוה לכולם.
