כד בַּיָּמִ֣ים הָהֵ֔ם חָלָ֥ה יְחִזְקִיָּ֖הוּ עַד־לָמ֑וּת וַיִּתְפַּלֵּל֙ אֶל־יְהוָ֔ה וַיֹּ֣אמֶר ל֔וֹ וּמוֹפֵ֖ת נָ֥תַן לֽוֹ׃ כה וְלֹֽא־כִגְמֻ֤ל עָלָיו֙ הֵשִׁ֣יב יְחִזְקִיָּ֔הוּ כִּ֥י גָבַ֖הּ לִבּ֑וֹ וַיְהִ֤י עָלָיו֙ קֶ֔צֶף וְעַל־יְהוּדָ֖ה וִירֽוּשָׁלִָֽם׃ כו וַיִּכָּנַ֤ע יְחִזְקִיָּ֨הוּ֙ בְּגֹ֣בַהּ לִבּ֔וֹ ה֖וּא וְיֽוֹשְׁבֵ֣י יְרֽוּשָׁלִָ֑ם וְלֹא־בָ֤א עֲלֵיהֶם֙ קֶ֣צֶף יְהוָ֔ה בִּימֵ֖י יְחִזְקִיָּֽהוּ׃ כז וַיְהִ֧י לִֽיחִזְקִיָּ֛הוּ עֹ֥שֶׁר וְכָב֖וֹד הַרְבֵּ֣ה מְאֹ֑ד וְאֹֽצָר֣וֹת עָֽשָׂה־ל֠וֹ לְכֶ֨סֶף וּלְזָהָ֜ב וּלְאֶ֣בֶן יְקָרָ֗ה וְלִבְשָׂמִים֙ וּלְמָ֣גִנִּ֔ים וּלְכֹ֖ל כְּלֵ֥י חֶמְדָּֽה׃ כח וּמִ֨סְכְּנ֔וֹת לִתְבוּאַ֥ת דָּגָ֖ן וְתִיר֣וֹשׁ וְיִצְהָ֑ר וְאֻֽרָוֹת֙ לְכָל־בְּהֵמָ֣ה וּבְהֵמָ֔ה וַֽעֲדָרִ֖ים לָֽאֲוֵרֹֽת׃ כט וְעָרִים֙ עָ֣שָׂה ל֔וֹ וּמִקְנֵה־צֹ֥אן וּבָקָ֖ר לָרֹ֑ב כִּ֤י נָֽתַן־לוֹ֙ אֱלֹהִ֔ים רְכ֖וּשׁ רַ֥ב מְאֹֽד׃
֍ ֍ ֍
(כד) בַּיָּמִים הָהֵם חָלָה יְחִזְקִיָּהוּ עַד לָמוּת, וַיִּתְפַּלֵּל אֶל ה', וַיֹּאמֶר לוֹ ה' שיקבל את תפילתו וירפאנו, וּמוֹפֵת נָתַן לוֹ, שתחזור השמש לאחור, וכמבואר בספר מלכים.
(כה) וְלֹא כִגְמֻל עָלָיו הֵשִׁיב יְחִזְקִיָּהוּ, כִּי גָבַהּ לִבּוֹ, והראה לשלוחי מלך בבל את כל אוצרותיו והתגאה בהם, וחשב שנעשה המופת למענו, ובאמת נעשה כן להגדיל את כבודם של ישראל שהיו מפוזרים בארצות הגויים, שעל ידי הנס שנראה בכל העולם התגדל כבודם, וידעו שעדיין ה' משגיח עליהם, וַיְהִי עָלָיוקֶצֶף, וְעַל יְהוּדָה וִירוּשָׁלִָם.
(כו) וַיִּכָּנַע יְחִזְקִיָּהוּ בְּגֹבַהּ לִבּוֹ – על עוון זה שהתגאה, הוּא וְיוֹשְׁבֵי יְרוּשָׁלִָם, וְלֹאבָא עֲלֵיהֶם קֶצֶף ה' בִּימֵי יְחִזְקִיָּהוּ.
(כז) וַיְהִי לִיחִזְקִיָּהוּ עֹשֶׁר וְכָבוֹד הַרְבֵּה מְאֹד, וְאֹצָרוֹת עָשָׂה לוֹ לְכֶסֶף וּלְזָהָב,וּלְאֶבֶן יְקָרָה, וְלִבְשָׂמִים, וּלְמָגִנִּים, וּלְכֹל כְּלֵי חֶמְדָּה.
(כח) וּמִסְכְּנוֹת – אוצרות לִתְבוּאַת דָּגָן וְתִירוֹשׁ וְיִצְהָר, וְאֻרָוֹת לְכָל בְּהֵמָהוּבְהֵמָה, וַעֲדָרִים לָאֲוֵרֹת – עדרי צאן העומדים באויר, שלא במכלאות צאן.
(כט) וְעָרִים עָשָׂה לוֹ, וּמִקְנֵה צֹאן וּבָקָר לָרֹב, כִּי נָתַן לוֹ אֱלֹהִים רְכוּשׁ רַב מְאֹד.
