ז בַּיּ֣וֹם הַה֗וּא אָ֣ז נָתַ֤ן דָּוִיד֙ בָּרֹ֔אשׁ לְהֹד֖וֹת לַֽיהוָ֑ה בְּיַד־אָסָ֖ף וְאֶחָֽיו׃ ח הוֹד֤וּ לַֽיהוָה֙ קִרְא֣וּ בִשְׁמ֔וֹ הוֹדִ֥יעוּ בָֽעַמִּ֖ים עֲלִֽילֹתָֽיו׃ ט שִׁ֤ירוּ לוֹ֙ זַמְּרוּ־ל֔וֹ שִׂ֖יחוּ בְּכָל־נִפְלְאֹתָֽיו׃ י הִֽתְהַלְלוּ֙ בְּשֵׁ֣ם קָדְשׁ֔וֹ יִשְׂמַ֕ח לֵ֖ב מְבַקְשֵׁ֥י יְהוָֽה׃ יא דִּרְשׁ֤וּ יְהוָה֙ וְעֻזּ֔וֹ בַּקְּשׁ֥וּ פָנָ֖יו תָּמִֽיד׃ יב זִכְר֗וּ נִפְלְאֹתָיו֙ אֲשֶׁ֣ר עָשָׂ֔ה מֹֽפְתָ֖יו וּמִשְׁפְּטֵי־פִֽיהוּ׃ יג זֶ֚רַע יִשְׂרָאֵ֣ל עַבְדּ֔וֹ בְּנֵ֥י יַֽעֲקֹ֖ב בְּחִירָֽיו׃
֍ ֍ ֍
(ז) בַּיּוֹם הַהוּא, אָז נָתַן דָּוִיד מזמורים אלו שיהיו בָּרֹאשׁ – ייאמרו ראשונים, לְהֹדוֹת לַיהוָה, בְּיַד אָסָףוְאֶחָיו.
(ח) הוֹדוּ לַיהוָה, קִרְאוּ בִשְׁמוֹ המיוחד לו, המורה על גדלותו, הוֹדִיעוּ בָעַמִּים עֲלִילֹתָיו – מעשיו המופלאים.
(ט) שִׁירוּ לוֹ בפה, זַמְּרוּ לוֹ בכלי שיר, שִׂיחוּ – דברו תמיד בְּכָל נִפְלְאֹתָיו.
(י) הִתְהַלְלוּ – אתם תוכלו להתפאר בְּשֵׁם קָדְשׁוֹ הנקרא עליכם, יִשְׂמַח לֵב כל אחד ממְבַקְשֵׁי יְהֹוָה,בשמעו דברים אלו.
(יא) דִּרְשׁוּ יְהֹוָה וְעֻזּוֹ – ארון הברית, בַּקְּשׁוּ פָנָיו תָּמִיד.
(יב) זִכְרוּ נִפְלְאֹתָיו אֲשֶׁר עָשָׂה, מֹפְתָיו, וּמִשְׁפְּטֵי פִיהוּ – העונשים שהעניש את הגויים במאמר פיו.
(יג) אתם, זֶרַע יִשְׂרָאֵל עַבְדּוֹ, בְּנֵי יַעֲקֹב בְּחִירָיו – הנבחרים לה' משאר האומות.
