יג וְלֹֽא־הֵסִ֨יר דָּוִ֧יד אֶת־הָֽאָר֛וֹן אֵלָ֖יו אֶל־עִ֣יר דָּוִ֑יד וַיַּטֵּ֕הוּ אֶל־בֵּ֥ית עֹבֵֽד־אֱדֹ֖ם הַגִּתִּֽי׃ ידוַיֵּשֶׁב֩ אֲר֨וֹן הָֽאֱלֹהִ֜ים עִם־בֵּ֨ית עֹבֵ֥ד אֱדֹ֛ם בְּבֵית֖וֹ שְׁלֹשָׁ֣ה חֳדָשִׁ֑ים וַיְבָ֧רֶךְ יְהוָ֛ה אֶת־בֵּ֥ית עֹבֵֽד־אֱדֹ֖ם וְאֶת־כָּל־אֲשֶׁר־לֽוֹ׃
פרק יד א וַ֠יִּשְׁלַח חוּרָ֨ם מֶֽלֶךְ־צֹ֥ר מַלְאָכִים֮ אֶל־דָּוִיד֒ וַֽעֲצֵ֣י אֲרָזִ֔ים וְחָֽרָשֵׁ֣י קִ֔יר וְחָֽרָשֵׁ֖י עֵצִ֑ים לִבְנ֥וֹת ל֖וֹ בָּֽיִת׃ ב וַיֵּ֣דַע דָּוִ֔יד כִּֽי־הֱכִינ֧וֹ יְהוָ֛ה לְמֶ֖לֶךְ עַל־יִשְׂרָאֵ֑ל כִּֽי־נִשֵּׂ֤את לְמַ֨עְלָה֙ מַלְכוּת֔וֹ בַּֽעֲב֖וּר עַמּ֥וֹ יִשְׂרָאֵֽל׃ ג וַיִּקַּ֨ח דָּוִ֥יד ע֛וֹד נָשִׁ֖ים בִּירֽוּשָׁלִָ֑ם וַיּ֧וֹלֶד דָּוִ֛יד ע֖וֹד בָּנִ֥ים וּבָנֽוֹת׃ ד וְאֵ֨לֶּה֙ שְׁמ֣וֹת הַיְלוּדִ֔ים אֲשֶׁ֥ר הָֽיוּ־ל֖וֹ בִּירֽוּשָׁלִָ֑ם שַׁמּ֣וּעַ וְשׁוֹבָ֔ב נָתָ֖ן וּשְׁלֹמֹֽה׃ ה וְיִבְחָ֥ר וֶֽאֱלִישׁ֖וּעַ וְאֶלְפָּֽלֶט׃ ו וְנֹ֥גַהּ וְנֶ֖פֶג וְיָפִֽיעַ׃ ז וֶאֱלִֽישָׁמָ֥ע וּבְעֶלְיָדָ֖ע וֶֽאֱלִיפָֽלֶט׃
֍ ֍ ֍
(יג) ומחמת יראתו של דוד, וְלֹא הֵסִיר דָּוִיד אֶת הָאָרוֹן אֵלָיו, אֶל עִיר דָּוִיד, וַיַּטֵּהוּ אֶל בֵּית עֹבֵדאֱדֹם הַגִּתִּי, שהיה לוי, וראוי לעמוד ולשרת לפני הארון.
(יד) וַיֵּשֶׁב אֲרוֹן הָאֱלֹהִים עִם בֵּית עֹבֵד אֱדֹם בְּבֵיתוֹ שְׁלֹשָׁה חֳדָשִׁים, אמנם מעתה נעשה הארון כמקור לחסד וטובה לכל הקרב אליו, ולא הוזק אף אחד מבני ביתו, ואדרבה, וַיְבָרֶךְ יְהֹוָהאֶת בֵּית עֹבֵד אֱדֹם בעצמו, וְאֶת כָּל אֲשֶׁר לוֹ, עד שכל אחת מכלותיו ילדה ששה ילדים בפעם אחת.
פרק יד (א) ובאותם שלשה חודשים שהיה הארון בבית עובד אדום הגיתי, וַיִּשְׁלַח חוּרָם מֶלֶךְצֹר מַלְאָכִים אֶל דָּוִיד, לכרות עימו ברית שלום, וַעֲצֵי אֲרָזִים, וְחָרָשֵׁי [-ואומני] קִיר וְחָרָשֵׁיעֵצִים, לִבְנוֹת לוֹ [-לדויד], בָּיִת.
(ב) ומכך שהתאספו כל ישראל לקול קריאתו, וַיֵּדַע דָּוִיד כִּי הֱכִינוֹ יְהֹוָה לְמֶלֶךְ עַל יִשְׂרָאֵל,ומכך שחירם מלך צור רצה לכרות עמו ברית שלום ושלח לו מתנות, ידע דויד כִּי נִשֵּׂאתלְמַעְלָה מַלְכוּתוֹ, בַּעֲבוּר עַמּוֹ יִשְׂרָאֵל.
(ג) ורצה דוד להרבות בנים ובנות, וַיִּקַּח דָּוִיד עוֹד נָשִׁים בִּירוּשָׁלִָם, וַיּוֹלֶד דָּוִיד עוֹד בָּנִיםוּבָנוֹת.
(ד) וְאֵלֶּה שְׁמוֹת הַיְלוּדִים אֲשֶׁר הָיוּ לוֹ בִּירוּשָׁלִָם, שַׁמּוּעַ, וְשׁוֹבָב, נָתָן וּשְׁלֹמֹה.
(ה) וְיִבְחָר, וֶאֱלִישׁוּעַ, וְאֶלְפָּלֶט.
(ו) וְנֹגַהּ, וְנֶפֶג, וְיָפִיעַ.
(ז) וֶאֱלִישָׁמָע, וּבְעֶלְיָדָע, וֶאֱלִיפָלֶט.
