לז וַיַּֽעֲזָב־שָׁ֗ם לִפְנֵי֙ אֲר֣וֹן בְּרִית־יְהוָ֔ה לְאָסָ֖ף וּלְאֶחָ֑יו לְשָׁרֵ֞ת לִפְנֵ֧י הָֽאָר֛וֹן תָּמִ֖יד לִדְבַר־י֥וֹם בְּיוֹמֽוֹ׃ לח וְעֹבֵ֥ד אֱדֹ֛ם וַֽאֲחֵיהֶ֖ם שִׁשִּׁ֣ים וּשְׁמוֹנָ֑ה וְעֹבֵ֨ד אֱדֹ֧ם בֶּן־יְדִית֛וּן וְחֹסָ֖ה לְשֹֽׁעֲרִֽים׃ לט וְאֵ֣ת ׀ צָד֣וֹק הַכֹּהֵ֗ן וְאֶחָיו֙ הַכֹּ֣הֲנִ֔ים לִפְנֵ֖י מִשְׁכַּ֣ן יְהוָ֑ה בַּבָּמָ֖ה אֲשֶׁ֥ר בְּגִבְעֽוֹן׃ מ לְֽהַעֲלוֹת֩ עֹל֨וֹת לַֽיהוָ֜ה עַל־מִזְבַּ֧ח הָֽעֹלָ֛ה תָּמִ֖יד לַבֹּ֣קֶר וְלָעָ֑רֶב וּלְכָל־הַכָּתוּב֙ בְּתוֹרַ֣ת יְהוָ֔ה אֲשֶׁ֥ר צִוָּ֖ה עַל־יִשְׂרָאֵֽל׃ מא וְעִמָּהֶם֙ הֵימָ֣ן וִֽידוּת֔וּן וּשְׁאָר֙ הַבְּרוּרִ֔ים אֲשֶׁ֥ר נִקְּב֖וּ בְּשֵׁמ֑וֹת לְהֹדוֹת֙ לַֽיהוָ֔ה כִּ֥י לְעוֹלָ֖ם חַסְדּֽוֹ׃ מב וְעִמָּהֶם֩ הֵימָ֨ן וִֽידוּת֜וּן חֲצֹֽצְר֤וֹת וּמְצִלְתַּ֨יִם֙ לְמַשְׁמִיעִ֔ים וּכְלֵ֖י שִׁ֣יר הָֽאֱלֹהִ֑ים וּבְנֵ֥י יְדוּת֖וּן לַשָּֽׁעַר׃ מג וַיֵּֽלְכ֥וּ כָל־הָעָ֖ם אִ֣ישׁ לְבֵית֑וֹ וַיִּסֹּ֥ב דָּוִ֖יד לְבָרֵ֥ךְ אֶת־בֵּיתֽוֹ׃
֍ ֍ ֍
(לז) וַיַּעֲזָב שָׁם לִפְנֵי אֲרוֹן בְּרִית יְהֹוָה לְאָסָף וּלְאֶחָיו, לְשָׁרֵת לִפְנֵי הָאָרוֹן תָּמִיד, לסדר את סדר השירים הנצרכים לִדְבַר יוֹם בְּיוֹמוֹ.
(לח) וְעֹבֵד אֱדֹם וַאֲחֵיהֶם [-בניו ואחיהם] היו שִׁשִּׁים וּשְׁמוֹנָה, וְעֹבֵד אֱדֹם בֶּן יְדִיתוּן, וְחֹסָה, היולְשֹׁעֲרִים.
(לט) וְאֵת צָדוֹק הַכֹּהֵן, וְאֶחָיו הַכֹּהֲנִים, העמיד דוד לִפְנֵי מִשְׁכַּן יְהֹוָה, בַּבָּמָה אֲשֶׁר בְּגִבְעוֹן.
(מ) לְהַעֲלוֹת עֹלוֹת לַיהוָה עַל מִזְבַּח הָעֹלָה תָּמִיד, לַבֹּקֶר וְלָעָרֶב, וּלְכָל הַכָּתוּב בְּתוֹרַת יְהֹוָה אֲשֶׁרצִוָּה עַל יִשְׂרָאֵל.
(מא) וְעִמָּהֶם – עם המשוררים בפה, היו הֵימָן וִידוּתוּן, וּשְׁאָר הַבְּרוּרִים אֲשֶׁר נִקְּבוּ בְּשֵׁמוֹת,לְהֹדוֹת לַיהוָה כִּי לְעוֹלָם חַסְדּוֹ.
(מב) וְעִמָּהֶם – גם עם המנגנים בכלים, היו הֵימָן וִידוּתוּן, בחֲצֹצְרוֹת וּמְצִלְתַּיִם לְמַשְׁמִיעִים,וּכְלֵי שִׁיר הָאֱלֹהִים, וּבְנֵי יְדוּתוּן היו מיוחדים לַשָּׁעַר.
(מג) ואחרי שסידר דוד את משמרות הכהנים והלויים, לארון הברית ולמקום המשכן, וַיֵּלְכוּכָל הָעָם אִישׁ לְבֵיתוֹ, וַיִּסֹּב דָּוִיד לְבָרֵךְ אֶת בֵּיתוֹ.
