יד וַיַּ֨עַשׂ֙ אֶת־הַפָּרֹ֔כֶת תְּכֵ֥לֶת וְאַרְגָּמָ֖ן וְכַרְמִ֣יל וּב֑וּץ וַיַּ֥עַל עָלָ֖יו כְּרוּבִֽים׃ טו וַיַּ֜עַשׂ לִפְנֵ֤י הַבַּ֨יִת֙ עַמּוּדִ֣ים שְׁנַ֔יִם אַמּ֕וֹת שְׁלֹשִׁ֥ים וְחָמֵ֖שׁ אֹ֑רֶךְ וְהַצֶּ֥פֶת אֲשֶׁר־עַל־רֹאשׁ֖וֹ אַמּ֥וֹת חָמֵֽשׁ׃ טז וַיַּ֤עַשׂ שַׁרְשְׁרוֹת֙ בַּדְּבִ֔יר וַיִּתֵּ֖ן עַל־רֹ֣אשׁ הָֽעַמֻּדִ֑ים וַיַּ֤עַשׂ רִמּוֹנִים֙ מֵאָ֔ה וַיִּתֵּ֖ן בַּֽשַּׁרְשְׁרֽוֹת׃ יז וַיָּ֤קֶם אֶת־הָֽעַמּוּדִים֙ עַל־פְּנֵ֣י הַֽהֵיכָ֔ל אֶחָ֥ד מִיָּמִ֖ין וְאֶחָ֣ד מֵֽהַשְּׂמֹ֑אול וַיִּקְרָ֤א שֵׁם־הַיְמָנִי֙ יָכִ֔ין וְשֵׁ֥ם הַשְּׂמָאלִ֖י בֹּֽעַז׃
֍ ֍ ֍
(יד) וַיַּעַשׂ אֶת הַפָּרֹכֶת שלפני פתח קדש הקדשים, תְּכֵלֶת, וְאַרְגָּמָן, וְכַרְמִיל, וּבוּץ, וַיַּעַל עָלָיו ציורי כְּרוּבִים.
(טו) וַיַּעַשׂ לִפְנֵי הַבַּיִת, לפני האולם, בסמוך לו, עַמּוּדִים שְׁנַיִם מנחושת, ותחילה יצק את שני העמודים כשהם מחוברים, בשיעור אַמּוֹת שְׁלֹשִׁים וְחָמֵשׁ אֹרֶךְ שני העמודים יחד, ואחר כך חילקם לשנים, ועל ידי הכאת הקורנס האריכו כל אחד מהם בחצי אמה נוספת, והיה גובהו של כל עמוד שמונה עשרה אמות, וְהַצֶּפֶת – והכותרת אֲשֶׁר עַל רֹאשׁוֹ של העמוד, אַמּוֹת חָמֵשׁ.
(טז) וַיַּעַשׂ שַׁרְשְׁרוֹת בַּדְּבִיר – בחלק הפנימי המכוסה שבכותרות העמודים [כי היו השרשרות מכוסים בשבכה], וַיִּתֵּן עַל רֹאשׁ הָעַמֻּדִים, וַיַּעַשׂ רִמּוֹנִים מֵאָה וַיִּתֵּן בַּשַּׁרְשְׁרוֹת, בכל שרשרת מאה רימונים, ובכל עמוד שתי שרשרות, נמצא שבשני העמודים יחד היו ארבע מאות רימונים.
(יז) וַיָּקֶם אֶת הָעַמּוּדִים עַל פְּנֵי הַהֵיכָל, אֶחָד מִיָּמִין הפתח וְאֶחָד מֵהַשְּׂמֹאול, וַיִּקְרָא שֵׁם הַיְמָנִי יָכִין, לסימן טוב, שיכון הבית לעד, וְשֵׁם הַשְּׂמָאלִי בֹּעַז, מלשון בו עוז, כלומר, שבבית זה יהיה עוז וחוזק לישראל.
