כא וַיָּבִ֣יאוּ פָרִים־שִׁבְעָה֩ וְאֵילִ֨ים שִׁבְעָ֜ה וּכְבָשִׂ֣ים שִׁבְעָ֗ה וּצְפִירֵ֨י עִזִּ֤ים שִׁבְעָה֙ לְחַטָּ֔את עַל־הַמַּמְלָכָ֥ה וְעַל־הַמִּקְדָּ֖שׁ וְעַל־יְהוּדָ֑ה וַיֹּ֗אמֶר לִבְנֵ֤י אַֽהֲרֹן֙ הַכֹּ֣הֲנִ֔ים לְהַֽעֲל֖וֹת עַל־מִזְבַּ֥ח יְהוָֽה׃ כב וַֽיִּשְׁחֲטוּ֙ הַבָּקָ֔ר וַיְקַבְּל֤וּ הַכֹּֽהֲנִים֙ אֶת־הַדָּ֔ם וַֽיִּזְרְק֖וּ הַמִּזְבֵּ֑חָה וַיִּשְׁחֲט֣וּ הָֽאֵלִ֗ים וַיִּזְרְק֤וּ הַדָּם֙ הַמִּזְבֵּ֔חָה וַֽיִּשְׁחֲטוּ֙ הַכְּבָשִׂ֔ים וַיִּזְרְק֥וּ הַדָּ֖ם הַמִּזְבֵּֽחָה׃ כג וַיַּגִּ֨ישׁוּ֙ אֶת־שְׂעִירֵ֣י הַֽחַטָּ֔את לִפְנֵ֥י הַמֶּ֖לֶךְ וְהַקָּהָ֑ל וַיִּסְמְכ֥וּ יְדֵיהֶ֖ם עֲלֵיהֶֽם׃ כד וַיִּשְׁחָטוּם֙ הַכֹּ֣הֲנִ֔ים וַֽיְחַטְּא֤וּ אֶת־דָּמָם֙ הַמִּזְבֵּ֔חָה לְכַפֵּ֖ר עַל־כָּל־יִשְׂרָאֵ֑ל כִּ֤י לְכָל־יִשְׂרָאֵל֙ אָמַ֣ר הַמֶּ֔לֶךְ הָֽעוֹלָ֖ה וְהַֽחַטָּֽאת׃
֍ ֍ ֍
(כ) וַיַּשְׁכֵּם יְחִזְקִיָּהוּ הַמֶּלֶךְ, וַיֶּאֱסֹף אֵת שָׂרֵי הָעִיר, וַיַּעַל בֵּית ה'.
(כא) וַיָּבִיאוּ פָרִים שִׁבְעָה [והיה זה כעין פר עולה שמביאים על 'העלם דבר' של עבודה זרה, והיינו כשטעו הסנהדרין והורו שמותר לעבוד עבודה זרה, כיון שכאן לא מחו הסנהדרין באחז מלך יהודה כאשר עבד עבודה זרה יחד עם כל ישראל, ואף שיש צורך בפר לכל שבט, הרי באותו זמן כבר גלו ראובן, גד, זבולון ונפתלי, וחצי שבט מנשה, ונשארו רק שבעה שבטים שלמים] וְאֵילִים שִׁבְעָה וּכְבָשִׂים שִׁבְעָה לנדבה, וּצְפִירֵי עִזִּים שִׁבְעָה לְחַטָּאת [וכפי שמביאים על העלם דבר של עבודה זרה, פרים לעולה ושעירי עיזים לחטאת], עַל הַמַּמְלָכָה, וְעַל הַמִּקְדָּשׁ, וְעַל יְהוּדָה. וַיֹּאמֶר חזקיהו המלך לִבְנֵי אַהֲרֹן הַכֹּהֲנִים לְהַעֲלוֹת את הקרבנות עַל מִזְבַּח ה'.
(כב) וַיִּשְׁחֲטוּ הַבָּקָר שבא לעולה, וַיְקַבְּלוּ הַכֹּהֲנִים אֶת הַדָּם, וַיִּזְרְקוּ הַמִּזְבֵּחָה. וַיִּשְׁחֲטוּ הָאֵלִים, וַיִּזְרְקוּ הַדָּם הַמִּזְבֵּחָה. וַיִּשְׁחֲטוּ הַכְּבָשִׂים, וַיִּזְרְקוּ הַדָּם הַמִּזְבֵּחָה.
(כג) וַיַּגִּישׁוּ אֶת שְׂעִירֵי הַחַטָּאת לִפְנֵי הַמֶּלֶךְ וְהַקָּהָל, וַיִּסְמְכוּ יְדֵיהֶם עֲלֵיהֶם.
(כד) וַיִּשְׁחָטוּם הַכֹּהֲנִים, וַיְחַטְּאוּ אֶת דָּמָם הַמִּזְבֵּחָה, לְכַפֵּר עַל כָּל יִשְׂרָאֵל, כִּי לְכָל יִשְׂרָאֵל – כדי לכפר על כל ישראל אָמַר הַמֶּלֶךְ להקריב את הָעוֹלָה וְהַחַטָּאת, ואף שבדרך כלל דם חטאת קודם לדם עולה, הרי בקרבנות הבאים על העלם דבר של עבודה זרה יש להקדים את דם העולה לדם החטאת.
