פרק לג א בֶּן־שְׁתֵּ֥ים עֶשְׂרֵ֛ה שָׁנָ֖ה מְנַשֶּׁ֣ה בְמָלְכ֑וֹ וַֽחֲמִשִּׁ֤ים וְחָמֵשׁ֙ שָׁנָ֔ה מָלַ֖ךְ בִּירֽוּשָׁלִָֽם׃ ב וַיַּ֥עַשׂ הָרַ֖ע בְּעֵינֵ֣י יְהוָ֑ה כְּתֽוֹעֲבוֹת֙ הַגּוֹיִ֔ם אֲשֶׁר֙ הוֹרִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃ ג וַיָּ֗שָׁב וַיִּ֨בֶן֙ אֶת־הַבָּמ֔וֹת אֲשֶׁ֥ר נִתַּ֖ץ יְחִזְקִיָּ֣הוּ אָבִ֑יו וַיָּ֨קֶם מִזְבְּח֤וֹת לַבְּעָלִים֙ וַיַּ֣עַשׂ אֲשֵׁר֔וֹת וַיִּשְׁתַּ֨חוּ֙ לְכָל־צְבָ֣א הַשָּׁמַ֔יִם וַֽיַּעֲבֹ֖ד אֹתָֽם׃ ד וּבָנָ֥ה מִזְבְּח֖וֹת בְּבֵ֣ית יְהוָ֑ה אֲשֶׁר֙ אָמַ֣ר יְהוָ֔ה בִּירֽוּשָׁלִַ֥ם יִֽהְיֶה־שְּׁמִ֖י לְעוֹלָֽם׃ ה וַיִּ֥בֶן מִזְבְּח֖וֹת לְכָל־צְבָ֣א הַשָּׁמָ֑יִם בִּשְׁתֵּ֖י חַצְר֥וֹת בֵּית־יְהוָֽה׃
֍ ֍ ֍
פרק לג (א) בֶּן שְׁתֵּים עֶשְׂרֵה שָׁנָה מְנַשֶּׁה בְמָלְכוֹ, וַחֲמִשִּׁים וְחָמֵשׁ שָׁנָה מָלַךְבִּירוּשָׁלִָם.
(ב) וַיַּעַשׂ הָרַע בְּעֵינֵי ה', כְּתוֹעֲבוֹת הַגּוֹיִם אֲשֶׁר הוֹרִישׁ ה' מִפְּנֵי בְּנֵי יִשְׂרָאֵל.
(ג) וַיָּשָׁב וַיִּבֶן אֶת הַבָּמוֹת אֲשֶׁר נִתַּץ יְחִזְקִיָּהוּ אָבִיו, בין אותם שנעשו לשם שמים ונתצם חזקיהו כיון שלאחר שנבנה בית המקדש נאסר להקריב בבמות יחיד לשם ה', ומנשה הקימם כדי להחטיא את הרבים, ובין הבמות שנעשו לשם עבודה זרה, שהקימם מנשה, וַיָּקֶם מִזְבְּחוֹת לַבְּעָלִים, שזו עבודת השמש,וַיַּעַשׂ אֲשֵׁרוֹת, שזו עבודת הירח, וַיִּשְׁתַּחוּ לְכָל צְבָא הַשָּׁמַיִם וַיַּעֲבֹד אֹתָם.
(ד) וּבָנָה מִזְבְּחוֹת נוספים בְּבֵית ה', חוץ מהמזבח המיוחד שציוה ה' לבנות בבית המקדש, לומר שגם בעבודת ה' יש ענינים נפרדים, וזו כפירה באחדות ה',אֲשֶׁר אָמַר ה' בִּירוּשָׁלִַם יִהְיֶה שְּׁמִי לְעוֹלָם, ואמר מנשה בכפירתו, שכיון שירושלים נבחרה לשכינת ה' והנהגתו, יש צורך להביא לשם עוזרים ושותפים בהנהגת העולם.
(ה) וַיִּבֶן מִזְבְּחוֹת לְכָל צְבָא הַשָּׁמָיִם, בִּשְׁתֵּי חַצְרוֹת בֵּית ה', כי לפי כפירתו ה' מנהיג את העולם בסתר, כמלך הנמצא בפנים, והעבודות הזרות מנהיגות את העולם בגלוי, ולכן בנה להם את המזבחות בחצרות, ובכך שיתף שם שמים עם עבודה זרה.
