(ז) וַיַּחְמֹ֣ל הַמֶּ֔לֶךְ עַל־מְפִיבֹ֖שֶׁת בֶּן־יְהֽוֹנָתָ֣ן בֶּן־שָׁא֑וּל עַל־שְׁבֻעַ֤ת ה֙' אֲשֶׁ֣ר בֵּֽינֹתָ֔ם בֵּ֣ין דָּוִ֔ד וּבֵ֖ין יְהֽוֹנָתָ֥ן בֶּן־שָׁאֽוּל׃ (ח) וַיִּקַּ֣ח הַמֶּ֡לֶךְ אֶת־שְׁ֠נֵי בְּנֵ֨י רִצְפָּ֤ה בַת־אַיָּה֙ אֲשֶׁ֣ר יָֽלְדָ֣ה לְשָׁא֔וּל אֶת־אַרְמֹנִ֖י וְאֶת־מְפִבֹ֑שֶׁת וְאֶת־חֲמֵ֗שֶׁת בְּנֵי֙ מִיכַ֣ל בַּת־שָׁא֔וּל אֲשֶׁ֥ר יָֽלְדָ֛ה לְעַדְרִיאֵ֥ל בֶּן־בַּרְזִלַּ֖י הַמְּחֹֽלָתִֽי׃ (ט) וַֽיִּתְּנֵ֞ם בְּיַ֣ד הַגִּבְעֹנִ֗ים וַיֹּֽקִיעֻ֤ם בָּהָר֙ לִפְנֵ֣י ה֔' וַיִּפְּל֥וּ שְׁבַעְתָּ֖ם יָ֑חַד וְהֵ֨מָּה הֻֽמְת֜וּ בִּימֵ֤י קָצִיר֙ בָּרִ֣אשֹׁנִ֔ים בִּתְחִלַּ֖ת קְצִ֥יר שְׂעֹרִֽים׃ (י) וַתִּקַּ֣ח רִצְפָּה֩ בַת־אַיָּ֨ה אֶת־הַשַּׂ֜ק וַתַּטֵּ֨הוּ לָ֤הּ אֶל־הַצּוּר֙ מִתְּחִלַּ֣ת קָצִ֔יר עַ֛ד נִתַּךְ־מַ֥יִם עֲלֵיהֶ֖ם מִן־הַשָּׁמָ֑יִם וְלֹֽא־נָתְנָה֩ ע֨וֹף הַשָּׁמַ֜יִם לָנ֤וּחַ עֲלֵיהֶם֙ יוֹמָ֔ם וְאֶת־חַיַּ֥ת הַשָּׂדֶ֖ה לָֽיְלָה׃
֍ ֍ ֍
(ז) כיון שנתינת בני שאול לגבעונים היתה על ידי דוד, וַיַּחְמֹל הַמֶּלֶךְ עַל מְפִיבֹשֶׁת בֶּן יְהוֹנָתָן בֶּן שָׁאוּל, מאחר ויהונתן לא היה שותף לחטא זה של הריגת הגבעונים, עַל שְׁבֻעַת ה' אֲשֶׁר בֵּינֹתָם בֵּין דָּוִד וּבֵין יְהוֹנָתָן בֶּן שָׁאוּל, וכיון שהיה יהונתן קשור בשבועתו עם דוד, לא השתתף בהריגת כהני נוב, ולא ברדיפת הגבעונים.
(ח) וַיִּקַּח הַמֶּלֶךְ אֶת שְׁנֵי בְּנֵי רִצְפָּה בַת אַיָּה, פילגשו של שאול, אֲשֶׁר יָלְדָה לְשָׁאוּל, אֶת אַרְמֹנִי וְאֶת מְפִבֹשֶׁת. וְאֶת חֲמֵשֶׁת בְּנֵי מִיכַל בַּת שָׁאוּל – חמשת הבנים שגידלה מיכל, אֲשֶׁר יָלְדָה מירב לְעַדְרִיאֵל בֶּן בַּרְזִלַּי הַמְּחֹלָתִי.
(ט) וַיִּתְּנֵם בְּיַד הַגִּבְעֹנִים, וַיֹּקִיעֻם בָּהָר לִפְנֵי ה', וַיִּפְּלוּ שְׁבַעְתָּם יָחַד, וְהֵמָּה הֻמְתוּ בִּימֵי קָצִיר, בָּרִאשֹׁנִים – בימים הראשונים, בִּתְחִלַּת קְצִיר שְׂעֹרִים, שזו התבואה הנקצרת ראשונה.
(י) וַתִּקַּח רִצְפָּה בַת אַיָּה אֶת הַשַּׂק, וַתַּטֵּהוּ לָהּ אֶל הַצּוּר – השתמשה בו כמין אהל באותו הר שבו נתלו שבעת צאצאי שאול, מִתְּחִלַּת קָצִיר, עַד שראו שמחל להם ה' בכך שנִתַּךְ מַיִם עֲלֵיהֶם מִן הַשָּׁמָיִם, ונפסק הרעב, ובאותו זמן שהיתה שם שמרה עליהם, וְלֹא נָתְנָה עוֹף הַשָּׁמַיִם לָנוּחַ עֲלֵיהֶם יוֹמָם, וְאֶת חַיַּת הַשָּׂדֶה לָיְלָה.
